Ministri i Brendshëm, Sandër Lleshaj dhe ish-deputeti i LSI Luan Rama janë rikthyer në vendin ku kanë kaluar rininë e tyre, në zonën e Kurbneshit, Mirditë, ku kanë marrë pjesë në meshën e mbajtur për festën e Shan Ndout drejtuar nga dom Gjergj Meta.
Dy miq të vjetër që nga rinia, por rival në jetën aktuale politike, janë fotografuar së bashku në rrugët e (dikur) qytetit të Kurbneshit por që përgjatë demokracisë kanë mbetur thjeshtë rrënojat që dëshmojnë se aty jetonin mijëra njerëz nga zona të ndryshme të vendit.
Rama dhe Lleshaj morën pjesë në meshën e mbajtur në ish-qytetin e minatorëve në kohën e diktaturës, në kishën që ndodhet në periferi të tij në një zonë mjaft piktoreske e gati alpine, shumë pranë bjeshkëve të Valmorit e Krojit të Bardhë, por siç është edhe terreni i ashpër, ka qenë edhe dora e politikës e tillë që e la në harresë.
Natyrisht siç duket edhe nga foto, Lleshaj dhe Rama kanë pasur shumë për të kujtuar dhe folur, teksa pranë tyre qëndrojnë edhe persona të tjerë.
