Tre ditë më parë, SPAK njoftoi pezullimin nga detyra të kryetarit të Komisionit të Prokurimeve Publike, KPP, Jonaid Myzyri, si dhe detyrimin e tij për t’u paraqitur në policinë gjyqësore, pasi është marrë i pandehur javën e kaluar për veprën penale “Shkelje e barazisë së pjesëmarrësve në tendera apo ankande publike”, e kryer në bashkëpunim. Vendimi është marrë nga GJKKO me kërkesë të SPAK-ut.
Qëndrojnë apo jo provat e pretenduara nga SPAK për të mbështetut akuzën ndaj kryetarit të gjykatës së tenderave, këtë do t’a vlerësojnë gjykatat e disa shkallëve, por masa shtesë e pezullimit nga detyra është një përjashtim nga standardi i vensosur deri më tani nga SPAK dhe GJKKO, është dispropocionale me masën tjetër të sigurisê ‘detyrim paraqitje’, akuzën e pretenduar, kohën dhe rrethanat.
Kërkesa e SPAK për pezullimin nga deyra të një zyrtari të zgjedhur nga Kuvendi, nën dyshimet se ka shkelur barazinë në tendera, ka ardhur pasi qeveria Rama i ka propozuar Kuvendit Jonaid Myzyrin për një mandat të dytë në krye të Komisionit të Prokurimit Publik. Në mbledhjen e Këshillit të Ministrave të datës 12 mars 2025, është miratuar projektvendimi “Për propozimin Kuvendit të Republikës së Shqipërisë të kandidatëve për kryetar të Komisionit të Prokurimit Publik”.
Nga komisioni Ad-Hoc i qeverisë i ngritur për këtë proces, Jonaid Myzi është renditur i pari me 91 pikë. Në vend të dytë është renditur Kreshnik Ternova me 82 pikë. Ternova është anëtar i KPK-së.
Në kushtet kur Kuvendi i Shqipërisë pritej të shqyrtonte kandidatin e propozuar nga qeveria, befas ndërhyn SPAK me pezullimin e sforcuar, duke ndërhyrë në garë. Pezullimi i Myzyrit favorizon kandidatin tjetër Kreshnik Ternova, i cili përfaqëson një linjë të errët interesash, për të cilat do të flasim posaçërisht në një tjetër shkrim. Janë pikërisht këto fije interesash korruptive që dyshohet se kanë lobuar dhe ndikuar për të përmbysur garën, duke vënë në lëvizje SPAK, disa prokurorë të të cilit nuk përfaqësojnë më interesin publik dhe barazinë para ligjit, por siç është provuar nga SkyEcc përfaqësojnë klane tenderash, ndërtimi, mbulim të pasurive të paligjshme dhe linja të caktuara politike.
Sipas burimeve, qeveria dhe Kuvendi do të reagojnë ashpër pas kësij episodi abuziv dhe linçues, duke i kërkuar ILD-së të marrë masa disiplinore. Në shtator pritet të propozohet edhe një paketë ligjore për të mbyllur hapësirat për abuzime me masat e sigurisë në Kodin e Procedurës Penale, masa të cilat në shumë raste janë kthyer në pazar, mundësi hakmarrje dhe gjueti shtrigash.
Dosja qesharake
Nëse kreu i KPK-së Jonaid Myzyri është kapur duke përfituar para tenderash në kërmbim të diktimit të fituesve të procedurave tenderuese, është kapur duke bërë pazare dhe me pasuri të pajustifikuara, pra nëse ka përdorur funksionin publik për të vjedhur, ndëshkimi penal nga SPAK dhe GJKKO është në zbatim të ligjit dhe interesit publik. Por, duhet të marrë fund gjuetia e shtrigave me dosje të arnuara, me dosje qesharake dhe të sforcuara, me deduksione, sajesa dhe intepretime tendecioze, qoftë për statistika, qoftë për propagandë, mish për top apo për pazare.
Opinioni publik ishte bombarduar me një fushatë propagandistike me lajme të prodhuara për hyrjet-daljet e kreut të KPK-së, Jonaid Myzuri në SPAK. Opinioni publik ishte ngarkuar me pritshmëri të mëdha për një dosje të llahtarshme korrupsioni me tendera. Dosja rezultoi një fluskë sapuni dhe gjueti shtrigash.
Mali me hetimet intensive, aktive dhe proaktive, shoqëruar me një fushatë bombarduese, ‘polli një mi’. “Gjatë shqyrtimit të ankesës të procedurës së mësipërme, ky Komision, në kundërligjshmëri ka favorizuar bashkimin e operatorëve ekonomik; A.M., dhe D.-1., ku pas veprimeve hetimore ka rezultuar se kanë paraqitur dokumente të falsifikuara”.
I gjithë ky investim dhe angazhim i SPAK-ut për një procedurë të pesë viteve më parë.
Së pari, dosja është aktivizuar pasi qeveria i propozoi Kuvendit Myzyrin për një mandat tjetër në krye të KPK-së.
Së dyti, KPK-ja është një organ kolegjial. Nuk ka ekspeetizën, tagrin dhe nuk është organ hetimor për të verifikuar dhe konstatuar falsitetin e dokumenteve.
Së treti, KPK-ja është një para gjykatë tenderash. Vendimmarrja bëhet me shumicë votash. Vendimet e KPK-së nuk janë përfundimate. Ato mund të shqyrtohen nga Gjykata Administrative.
Së katërti, pabarazia dhe tendera dhe shpërdorimi i detyrës nuk kanë kuptim pa përfitimin dhe korrupsionin, pra pa qëllimin, motivin. Nëse një zyrtar ka shkeluar barazinë në tendera, pse e ka kryer këtë veprim, për çfarë përfitimi? Pra, ose ka krijuar bindjen për palën që ka të drejtë ose ka vendimmarrja është diktuar nga një përfitim.
