Ish deputeti Spartak Braho, i njohur si Baba Taku dhe Çanta e Zezë, i cili kalon sa në krahun e Ilir Metës në krahun e Ramës, rezulton me gurore në Skrapar, të cilën e administron dhe shfrytëzon përmes të birit, Arbër Braho.
Në maj të vitit 2012, Arbër Braho themeluar kompaninë WHITE STONE, me nipt L29805401U, me objekt nxjerrjen, shfrytëzimin dhe përpunimin e burimeve të
minerale, mermerëve, graniteve e etj.
Në atë kohë Baba Taku ishte avokat i Ilir Metës, i cili dyshohet se është bosi madh i të gjitha guroreve në malet e Skraparit.
Baba Taku i doli në mbrojtje Metës në vitin 2011 pas skandalit të videos me bllokun e pazareve në dorë në zyrën e Dritan Priftit. Nuk përjashtohet mundësia që Meta ta këtë shpërblyer Çantën e Zezë me një gurore në Skrapar.
Ndërkaq, SPAK ka vend për hetim nëse Baba Taku i ka pasqyruar të ardhurat nga gurorja, a ishte në konflikt interesi shfrytëzimi e pasurive publike me mandatin e deputetit, dhe aq më tepër që prona që shfrytëzohet nga djali i Baba Takut ka pronarë pretendentë, pra trashëgimtarë që pretendojnë në gjykata se Baba Taku u ka zaptuar tokën, duke përdorur influencat e tij.
Baba Taku ka deklaruar 7-8 makina dhe disa shtëpi në Pogradec, Tiranë dhe Durrës, si vilë 200 m2, shtëpi 120 m2, shtëpi 100 m2, shtëpi banimi në Durrës 90 m2, shtëpi banimi në Durrës 224 m2 me vlerë 160 mijë euro, ambient shërbimesh me sipërfaqe 347 m2, objekt ndërtimi në Tushemisht, Pogradec me sipërfaqe 600 m2.
