Avokati i njohur, Spartak Ngjela ka sulmuar presidentin Meta lidhur me deklaratat e tij gjatë fushatës dhe liderin demokrat Basha. Në një intervistë televizive, ai u shpreh se deklaratat e presidentit Meta nuk ishin deklarata që duhet të bënte një president.
Ai tha se, Meta sipas tij nuk duhet që të nxiste dhunë me deklaratat për marrje sfurqesh. “Meta fliste sikur të ishte Hitleri, pasi kishte nazizmin me vete pasi kishte krijuar dehje patologjike. Ai ishte si Enver Hoxha, Meta ishte jashtë frymës së lëvizjes popullore fliste budallëqe, merrni sfurqe, ai nuk duhet të jetë president në sytë e ndërkombëtarëve”, tha ai.
Sa i përket fatit të liderit të Partisë demokratike Lulzim Basha, ai tha se Basha pasi doli i humbur nga zgjedhjet dhe tashmë sipas tij, është duke bërë një lojë të shëmtuar. Ai theksoi se pretendimet e PD për shkelje në zgjedhje duhet që të jenë me fakte.
“Basha ka hyrë në një lojë të shëmtuar pasi nuk pranoi zgjedhjet. Nuk fitohet me logjikë fëminore, ankimimet e PD nuk vlenin duhet ti thoshte që ke ngelur një ligj, trego se cilin ligj ka shkelur”, tha ai. Ndër të tjera, Ngjela tha se Partia Socialiste bëri një fushatë masive dhe sipas tij nuk u bënë shkelje. Avokati deklaroi se kryedemokrati Basha kërkon të shfrytëzojë kohën duke konsoliduar partinë.
“Socialistët kishin bërë fushatë masive, derë më derë në qoftë se janë dëmtuar zgjedhjet duhet t’i bësh me ligj. Nuk pashë shkelje Ligjore. Basha kërkon të fitojë kohë se nuk mund të thotë se nuk i njoh zgjedhjet në sytë e ndërkombëtarëve, duhet të sjell faktet e shkeljeve”, deklaroi ai. Ngjela u shpreh se, me liderin e PD në krye të kësaj partie socialistët mund të fitojnë sa herë do të ketë zgjedhje. Ai tha se edhe kryeministri Rama kërkon që ai të qëndroj në krye të PD pasi sipas tij, mund ta mund lehtësisht në zgjedhje.
“Çështja qëndron që, fakti që ai do të hyj në Parlament si lider i PD-së është që të fitoj kohë, ai e fiton garën se strukturën e ka të vetën. Rëndësia është a rrëzohen lehtë socialistët? Me Bashën nuk i mund dot, Rama do Bashën pasi e mund sa herë të dojë. Basha me amerikanë ka një raport zero, me destabilizimin e thirrur nga Meta e pengon ushtria e NATO”, deklaroi Ngjela.
