Pas denoncimit të PD, ku thuhej se Elisa Spiropali dhe bashkëshorti i saj i kanë vëllait të saj tendera me vlerë 350 mijë dollarë ka ardhur reagimi i menjëhershëm i ministres. Sipas Spiropali ky është skenari i radhë i PD për të hedhur bojë mbi figurat e PS, por ajo që i pret demokratët sipas saj është gjyqi.
“E porosit Saliu, pastaj e nxjerr një frëngji e paguar nga fondet e zeza te Shqupit, pastaj del në këndin e shpifjeve dixhitale të Saliut, pastaj e këndon recituesja e Shqupit dhe ja u krye hedhja e bojës mbi tjetrin! Sot ishte radha ime dhe këtë radhë u bë im vëlla mish për top i kësaj opozite mavri me boje.
Vëllai im nuk ka përfituar kurrë dhe asnjëherë asnjë kontratë apo fond publik, as kur isha beqare, as kur u martova, as kur isha aktiviste, as kur isha drejtore, e as tani si ministre. Po fjalët me këta gojështhurur janë të tepërta. Padia është e vetmja rrugë me këta bartës e përçues të horrllëkut politik. Në gjykatë le të provojnë çfarë akuzojnë ose përndryshe paratë për dëmin do të shkojnë për të ndihmuar kopshtin e Kolonjës.”, shkruan Spiropali.
