Ish-zëvendës Ministri i Shëndetësisë, Klodian Rrjepaj debatoi me Prokurorinë e Posaçme duke i kërkuar llogari për akuzën e ngritur ndaj tij.
Siaps tij nuk ekziston asnjë dokument të falsifikuar që provon se ai ka mashtruar, ndërsa ka bërë deklarata të forta mbi gjendjen e spitaleve në Shqipëri.
“Kam bërë më të mirën e mundshme. Ndryshuam rrënjësisht sistemin e sterilizimit. Ishte inovacion dhe për këtë shkak çdo gjë po krijohej nga e para. Rruga ishte e pashkelur. Prokuroria nuk ka sjellë ende një bilanc për sterilizimin, cila është e mira dhe e keqja e sterilizimit. Prokuroria ka marrë vetëm anën negative dhe nuk ka bërë bilanc për anën pozitive. Nuk jam mashtrues”, tha ai.
Nga ana tjetër biznesmeni Ilir Rrapaj ka mohuar akuzat e prokurorisë, por ka pranuar njohen me ish-ministrin e Shëndetësisë Ilir Beqajn.
Në seancë pas shumë debatesh mes palëve në përfundim të pandehurit kanë kërkuar pushim të çështjes, ose kthim për hetime në SPAK, por në rast se gjykata vendos kalimin e çështjes për gjykim të pandehurit kanë kërkuar që të gjykohen me procedurën e gjykimit të shkurtuar.
I vetmi që ka kërkuar gjykim të zakonshëm është ish-ministri i Shëndetësisë Ilir Beqaj. Prokuroria e posaçme u ka qëndruar sërish, kërkesave të saj për kalimin e dosjes për gjykim pasi sipas tyre ka prova për të mbështetur akuzën.
Gjykata e posaçme do të shpallë vendimin për këtë çështje në datën 29 dhjetor në orën 9:30.
Gjykata mori kohë për të shqyrtuar të gjitha pretëndimet e ngritura nga palët gjatë zhvillimit të seancave nga të pandehurit dhe mbrojtesit e tyre. Po ashtu për të shqyrtuar edhe provat që ka SPAK për këtë çështje.
