Stresi ka treguar dje në lidhje me arrestimin e tij të bujshëm, mënyrën si e trajtuan në komisariat dhe nuk ka nguruar të flasë edhe në lidhje me përdorimin e armëve.
Ai ka thënë se Rama dhe ky shtet e do me armë protestën, e jo me miell e me vezë.
Sipas tij, përdorimi i armëve mund të trembë dikë, ama i pyetur se ku i gjen armët që përdor vet, tregoi se ato nuk janë të vërteta, por imitime të armëve reale.
I pyetur nga Çani se ku i ka gjetur armët që ka marrë në videoklip dhe nëse janë të vërteta, reperi thotë:
Në Medrese i gjej, aty në treg. Armët në klip janë fallco, duken si të vërteta, por nuk kanë asnjë funksion”.
Stresi nuk ka nguruar të tregojë edhe detaje nga arrestimi, teksa bëri me dije se nuk i gjetën asnjë gjë gjatë kontrollit dhe doza e lëndës narkotike e kapur në momentin e arrestimit, nuk i përkiste atij.
