Studentët shqiptarë kanë diskredituar keqas opozitën, duke i përjashtuar nga protesta e tyre. Dhjetori 2018 është vetëm i studentëve. Pas kësaj ka reaguar edhe Monika Kryemadhi, e cila në një takim me strukturat e Lëvizjes së Gruas për Integrim tha se protesta e studentëve ishte një leksion për opozitën.
“Studentët tanë na dhanë një mësim ne si politikanë, na dhanë një mësim mua të parën, jam e bindur dhe zotit Basha dhe partive të forntit opozitar për të na thënë që qytetarët janë me ne por duan besim, duan forcë, alternativë, na dhanë një mësim për të kuptuar se kur je me të drejtën, kur lufton për qytetarët, për të mbrojtur të dobtit përballë të fortëve, edhe zoti është me ty. Pra lëvizja studentore ishte një leksion demokracie, shprese që i dha opozitës”, tha Kryemadhi.
8 Dhjetori, Dita e Rinisë, ka mbledhur anëtarët e Partisë Demokratike në ambientet e Qytet Studentit, aty ku 28 vite më parë filloi edhe lëvizja studentore që solli edhe rrëzimin e diktaturës komuniste, e pluralizmin në Shqipëri.
8 Dhjetori, Dita e Rinisë, ka mbledhur anëtarët e Partisë Demokratike në ambientet e Qytet Studentit, aty ku 28 vite më parë filloi edhe lëvizja studentore që solli edhe rrëzimin e diktaturës komuniste, e pluralizmin në Shqipëri.
“Kjo ditë na kujton se vetëm ata që ngrihen janë të lirë, të bashkuar mposhtin diktaturat. Është festa ime ndaj çdo qytetari, leksionin e parë po e japin studentët e bashkuar të dhjetorit të dytë”, theksoi kreu i PD, Lulzim Basha.
