Kryeministri Edi Rama, reagoi pak më parë nëpërmjet rrjetit social “Facebook”, ku shkruhej “Pas pak ftesa”, ndërsa i bshkëngjit posterin: “Dialog për Universitetin, Facebook Live, e hënë, 10 dhjetor, 11:00”.
Pas kësaj ftese kanë reaguar studentët që ndodhen para Ministrisë së Arsimit, ku janë treguar të prerë, se nuk ka negociata.
“Kur miratuan VKM-në nuk na pyetën, nuk kërkuan dialog apo negociata, edhe tani ne jemi të vendosur, kemi dërguar 8 kërkesa, nuk ka negociata. Nëse Kryeministri do, le të vijë në shesh, por jo me fjalë. Me 8 vendime, me kërkesat e pranuar.”
Pas kësaj ka reaguar sërish kryeministri Rama, me anë të një video live nga “Facebook”, i cili shprehet se duhet të bashkohemi të gjithë kundër korruspionit në universitete.
“Studentët pa qeverinë nuk e bëjnë dot sepse nuk kanë autoritet vendimi, e qeveria nuk e bën dot pa ata, sepse janë ata që konstatojnë gjithçka”, – tha Rama, ndërsa shtoi se qeveria e tij është e vetmja që ka bërë kaq shumë për arsimin, ndonëse duhet ende shumë për të bërë.
Më tej ai tha: “Studentët dhe një pjesë e akademikëve nuk janë pa mëkate, dhe përrallat me dhjetor, t’ua lënë atyre që kanë mbetur vetëm pas fjalëve”, ndërsa kërkoi ngritjen e një përfaqësie për adresimin e kërkesave.
Në vijim ai tha: “U them studentëve o bashkë sot, o të ndarë nesër”, pasi sipas tij duhet një lëvizje e bashkuar për të luftuar korrupsionin e të gjitha pa rregullsitë brenda universitetit.
“Ju pres nesër “Live”, ora 11:00 paradite. Nja dy fjalë për atë punën e ngelësave i kam ruajtur, po mu dha mundësia. do komunikojmë gjerë e gjatë në meidanin social nesër.”, – tha kryeministri Rama.
https://www.facebook.com/edirama.al/videos/359215758190328/?t=0
