Pfizer dhe BioNTech deklaruan se sipas të dhënave në terren nga Izraeli, vaksina e Covid-19 është 94% efektive në parandalimin e infeksioneve asimptomatike, çka nënkupton se vaksina mund të reduktojë bindshëm transmetueshmërinë.
Kompanitë bënë gjithashtu të ditur se sipas analizave të fundit në Izrael, vaksina është 97% efektive në parandalimin e sëmundjes simptomatike, sëmundjes së ashpër dhe vdekjes.
Kjo është në linjë me të dhënat e efektshmërisë prej 95% të raportuara nga Pfizer në provat e fundit klinike në Dhjetor.
Analiza tregon gjithashtu prova jashtë laboratorëve të efektshmërisë së vaksinës kundër variantit britanik, të njohur si B1.1.7. Më shumë se 80% e specimeneve të testuara në analizë, ishin të këtij varianti.
Në Izrael, ka patur numër të limituar të infeksionit nga varianti afrikan, kështu që nuk mund të vlerësohet efektshmëria ndaj atij varianti.
Izraelitët po kryesojnë me programin e vaksinimit në botë, për shkak të një marrëveshjeje për të ndarë të dhënat me Pfizer dhe BioNTech.
Deri ditën e Mërkurë, rreth 55% e popullsisë prej 9 milionë kishin marrë të paktën 1 dozë të vaksinës së Pfizer me BionTech, sipas ministrisë së Shëndetësisë.
