Monika Kryemadhi doli pas 5 orësh nga SPAK, ndërsa e pyetur nga gazetarët nëse ndahet nga Ilir Meta për sulmet ndaj drejtësisë, deputetja pohoi se po.
Kryemadhi tha se nuk e sfidon drejtësinë dhe se prokurorët janë aty për të bërë punë e tyre.
Meta gjuhë të ashpër ndaj SPAK, keni ju besim te ky institucion?
Kryemadhi: Vazhdoj t’i qëndroj cdo deklarate time, lidhur me reformën dhe sistemin në drejtësi. Vazhdoj t’i qëndroj dhe nuk e sfidoj as sistemin e drejtësisë as sistemin ku jetojmë dhe punojmë.
Nëse do të sfidoja, nuk do të isha në deputetet e pakta që ka dorëzuar 6 padi për inceneratorët.
Sigurisht që të gjithë kemi ndasitë dhe qëndrimet tona. Vazhdoj të qëndroj që lufta ime është betejë politike. Prokurorët do të bëjnë punën e tyre.
Ndahem me Ilir Metën për sulmet ndaj SPAK.
