Ministri i Brendshëm Fatmir Xhafaj, pasuesi i deputetit Saimir Tahiri, i cili la mandatin sot, ka reaguar pas akuzave të bëra nga ai duke u shprehur se: “Nuk kam asnjë koment për dorëheqjen. Nuk u heq asnjë presje atyre që kam thënë deri tani”, tha ministri.
Ndërkohë në deklaratën për shtyp, Tahiri akuzoi ministrin Xhafaj se ai: “… numëron bandat në televizor, të bën të ikën nga Shqipëria”./Tellalli
Ja një pjesë nga fjalimi i Tahirit
“Tani bëjnë dhe vettingun e policëve të shkretë, që ç’nuk kanë parë 30 vite nga politika.
Shumë mirë, të pastrohet policia.
Unë jam shumë dakort. Po kjo nuk bëhet as brenda ditës, as me veting. Se ata 1300 policë që janë larguar nga puna sa unë shërbeva në detyrë, për korrupsion, për shkelje të ligjit, për ishin shenja më e mirë e vullnetit për ta bërë po këtë nuk e thotë njeri. Po unë pyes: Pse nuk e filluam nga vetja ne Vettingun? Deputetë, ministra, zv.ministra, drejtorë.
Pas gjyqtarëve, prokurorëve pse nuk e filuam nga vetja ne? Nga politika… Unë po gjykohem dhe hetohem dhe kjo është kaluar vettingut
Ministri i Brendshëm, numëron bandat në televizor.
Një tmerr që të largohesh dhe të marrësh valixhet. ka më shumë kriminelë në Itali, po askush nuk flet kështu.
Ka më shumë krimenelë në Greqi po askush nuk flet kështu.
Ka më shumë vrasje, drogë, prostitucion, kriminalitet në çdo vend të Europës, por askush nuk ia nxin faqen vendit të vet në këtë mënyrë”, tha Tahiri.
