Reduktimi i tarifave vjetore është një nga kërkesat kryesore të studentëve protestues, për të cilën ka folur sot gjatë komunikimit të tij me studentët edhe Kryeministri Rama.
Rama u shpreh i gatshëm për të diskutuar mbi këto tarifa dhe arsyetimet e studentëve, edhe pse për tarifat nuk vendos qeveria por universiteti, i cili gëzon autonominë universitare.
Qeveria, tha Rama, vendos vetëm një tavan, në mënyrë që këto tarifa të mos rriten nga universiteti në një mënyrë të paarsyeshme.
“Le t’i diskutojmë tarifat dhe unë mbështes arsyetime rracionale dhe mbi të gjitha e ndiej dhimbjen e atyre prindërve dhe atyre studentëve që kanë nevojë për më shumë mbështetje, pavarësisht se tarifat nuk i vendos qeveria. Quhet autonomi universitare, qeveria vendos vetëm tavanin që mos të lejohet një rritje e paarsyeshme. Megjithatë patjetër, jemi gati që të investojmë nga taksat për të mbështetur studentët në pagesën e tarifave, ama duhet shkruar”, tha Rama.
Me tej Rama theksoi se eshte gati qe te subvencionoje ata qe jane studente ne ndihme ekonomike, jo 50%, por 100 %. Poashtu, Rama tha se duhet dialog, qe ata qe jane ekselente me nota 9, 10, te mos ju pergjysmohet tarifa, por te mbulohet totalisht nga shteti.
Rama: I gatshem per te shkuar me tek kerkesave tuaja per tarifat. Jo vetem 50%, por tua subvencionoje shteti 100% atyre me 9 dhe 10 dhe atyre ne ndihme ekonomike. Por ama duhet dialog, se nuk zgjidhen ne leter.
