120 shqiptarë të bllokuar në Itali prej afro 20 ditësh janë kthyer në Tiranë mbrëmjen e sotme me “Lasgushin”, një prej avionëve të Air Albania.
Në bord me 120 shqiptarët e parë të riatdhesuar, ishte dhe ministri i Jashtëm Gent Cakaj i cili u nis gjatë pasdites drejt Romës me ekipin prej 30 mjekësh e infermierësh që do të ndihmojnë kolegët italianë në betejën me koronavirusin.
Disa prej shqiptarëve të riatdhesuar janë shprehur se nuk kanë pasur simptoma të koronavirusit por do të vetëizolohen për 14 ditët e ardhshme, për siguri por dhe në bazë të urdhrit për të qeverisë për këdo që vjen nga zonat e prekura.
Operacionet e riatdhesimit do të vijojnë dhe në ditët e tjera, me të gjitha shtetet ku kanë mbetur shqiptarë, në bazë të tre kritereve kryesore, ku përfshihen: rastet humanitare, studentët e bllokuar në vendet ku studiojnë dhe qytetarët shqiptarë që kanë qëndruar më shumë se 90 ditë në këtovende.
