Nga Bujar Cani
Të dashur studentë, ju që protestoni e nuk doni të bëni mësim pa ju plotësuar kërkesat e juaja, dhe ju që nuk doni të protestoni, por doni të bëni mësim. Sistemi në të cilën ne jetojmë, është një sistem e rend shoqëror që bazohet në liritë e ië drejtat e njeriut, është një sistem ku shumica udhëheq dhe vendos, por në mënyrë ligjore dhe në të drejtat e njeriut, ku pakica respektohet dhe ndëgjohet zëri i tyre.
Eshtë një rend shoqëror ku mund të flasësh çfarë të duash e si të duash, të akuzosh, të shash, të bërtasësh, të protestosh në forma e mënyra të ndryshme, deri në bllokime rrugësh dhe greva urie, por nuk të lejon të bësh çfarë të duash, e si të të vijë ndërmend në kokë për të bërë.
Jam dakort për protestën që po bëni, dhe atë qe çfarë kërkoni, që dolët në sheshe për sensibilizimin e opinionit shoqëror, për kërkesat, hallet dhe problemet që nuk janë vetëm te juaja, për të krejt shoqërisë njerëzore në këtë vend. Fitore e madhe e protestës tuaj në masën më të madhe ishte që nuk lejuat të fusnit duart e tyre partite politike, që të përfitonin nga kjo protestë.
E këto ishin sidomos dy partitë kryesore të opozitës, PD-ja dhe LSI-ja që mundësinë e vetme për të ardhur në pushtet nuk e shikojnë me anen e votës dhe të zgjedhjeve, por e shikojnë me anë të rrugës, dhe si ujku që kerkon mjegull, mbështesin çdo protestë nqs është e drejtë apo e padrejtë, dhe jo se ju dhimbsen protestuesit, por duan që me anë të këtyre protestave të krijojne trazira, mosbindje civile, deri në revolta për të përmbysur këtë qeveri, të ardhur në mënyrë të ligjshme me vota popullore masive.
Por nuk jam dakort me një pjesë të këtyre studentëve për dy mënyra që ato kanë zgjedhur për të protestuar dhe realizuar kërkesat e tyre më se të drejta.
E para kur në qëllimin që i keni vënë vetes për të realizuar kërkesat tuaja legjitime, është se ju të dashur studentë keni ndaluar dialogun me qeverinë dhe kryeministrin Edi Rama, si një nga format më demokratike dhe paqësore, krahas protestës që bëni. Sepse një protestë, revoltë apo demonstratë ku ndalon dialogun si një nga rrugët e zgjidhjes së problemeve, atëhere kjo protestë kthehet në radikalizëm e ndoshta dhe e dhunshme, kur qeveria pranon dialogun, konsensin, dhe rrugët si mund të realizohen këto kërkesa, duke bërë të mundshme që kërkesat që qeveria premton për ti bërë, dhe fillon realizimin e tyre që në hapat e para të protestës. Por në të kundërtën nuk mund të arrihet një marveshje të pelqyeshme për të dyja palët, sepse ju keni vënë një mur të lartë bllokimi e komunikimi, dhe nuk lejoni një derë apo deriçkë sado e vogël komunikim për te folur dhe takuar për zgjidhjen e problemeve.
E dyta dhe që më duket dhe pak brutale dhe e padrejtë, është bllokimi i dyerve të auditorëve dhe fakulteteve, duke i gozhduar apo lidhur me zingjirë, për të mos lejuar që të bëhet mësimi nëpër këto fakultete apo universitete. Demokracia e cila bazohet në liritë dhe të drejtat e njeriut e të individit, ku shumica duhet të respektojë edhe pakicën, qofte edhe të një studenti të vetëm, që nuk do të protestojë, por do te bëjë mësim, sepse ashtu e mendon ky student. Dhe kur ju që kërkoni këto liri dhe të drejta apo kërkesa për ti realizuar, por shkelni lirine e të drejtat e shokëve tuaj studentë që ju mendoni se jane pakicë.
Atëhere ju për mendimin tim po ushtroni dhunë ndaj kësaj pakice dhe po i mohoni të drejtat e liritë e tyre. Dhe një e drejtë e tyre është që të bëjnë mësim, sepse ashtu e mendojnë ato dhe ju nuk keni të drejtë ti ndaloni me forma e mënyra jo demokratike, por duke i mbyllur dyert e fakulteteve me zingjir apo gozhduar me gozhdë. Atëhere kur me veprimet që bën, cënon liritë e të drejtat e të tjerve, atëhere ka mbaruar dhe lirija e te drejtat e tua. Megjithatë unq qq shpreha apo shkruajta këtë shkrim, është mendimi im personal, dhe vetëm i imi, sepse kështu e mendoj dhe e gjykoj unë këtë protestë që po bëni…
