Horrat e LSI, që po komandojnë akoma ato pjesë të mbetura të pushtetit nëpër zona, përveç maleve për grurore, lumenjve për inerte, tokave e pyjeve, u janë vërsulur edhe varrezave publike duke i zaptuar me kontrata koncesioni, por që veprojnë dhunshëm ndaj qytetarëve, për t’i zhvatur edhe jeshtë objektit të kontratës.
Sipas telefonatës që ka ardhur në “Pamfleti”, nga qytetari Z.H, ai së bashku me 2 ustallarë ka shkuar në varrezat “Burdullias” në hyrje të Beratit për të bërë qivurin e babait të ndier, por ka ndeshur me një “tip”, që i tha se ishte “bosi” i firmës që kishte marrë varrezat me koncesion nga “Titi” i LSI të Beratit (kryetari i bashkisë) dhe sipas tij nuk duhej ta ndërtonte qivurin vetë, por vetëm me firmën “Peinvis”, kundrejt pagesës private, firmë e cila është biznes i një LSI-sti.
Pas këtij bllokimi qytetari u ankua në bashki, por a e dini se çfarë përgjigje mori nga horrat e LSI, që kanë në dorë Bashkinë e Beratit?
Mund të qeshin e të mos e besoni, por është e vërtetë. Në bashki në vend që ta sqaronin dhe mbështesnin qytetarin ata e kërcënuan duke i thënë: “Ke shkelur ligjin firma private ka shumë të drejtë qivurin e babait duhet ta ndërtosh me punonjësit e firmës e jo privatisht me ustallarët që gjen rrugëve ndryshe quhet “ndërtim pa leje”, por po ta falim dhe nuk po të gjobisim e nuk po të çojmë tek “7 penxheret” (në burg), prandaj shko kërkoi falje firmës paguaj lekët dhe ndërto qivurin”.
Kujtojmë se pas muajit nëntor 2016 ky “hall” e ka zënë gjithë qytetarët e Beratit që duan të ndërtojnë qivurët e të afërmve në varreza mirëpo kryetari i Likes në bashkinë Berat batakçiu Petrit Sina dhe biznesmeni Pilo i LSI me firmën “Pienvis”, që prodhon edhe sallam e bulmetra janë lidhur me njeri-tjetrin edhe në biznesin e qivurve të varrezave publike për të zhvatur qytetarët me presione të tilla, ndërkohë që firma LSI-ste “Pienvis”, ka lidhur një kontratë me bashkinë LSI-ste të Beratit, me Nr. 6150 prot, datë 10.11.2016, sipas Vendimit të Këshillit Bashkiak Nr. 70, datë 29.06.2016, me objekt
“Mirëmbajtje e varrezave publike dhe të varrezave Dëshmorët e Kombit Berat”, me të cilën ka detyrë dhe të drejtë vetëm vaditjen e luleve krasitjen e pemëve pastrimin e mbeturinave dhe asgjë tjetër, mirëpo ja që me mbështetjen e kryetar-horrit të Likes në krye të bashkisë ai bënë presion për të zhvatur qytetarët./Pamfleti
