Kryeministri Albin Kurti duket se nuk ka kursyer presidentin serb Aleksandër Vuçiq në takimin e fundit në Bruksel.
Kurti i ka përmendur Vuçiqit gjenocidet që ka bërë Serbia ndaj shqiptarëve në vitet 1878, 1912 dhe 1999.
Sipas B92, Vuçiq ia ka kthyer atij me ashpërsi dhe kjo ka bërë që tensionet në takim të jenë tepër të larta, përcjell Periskopi.
Vuçiq ka deklaruar pas përfundimit të takimit se “nuk e di çka do të bëj” dhe e ka akuzuar z. Kurti se “është kthyer në shekulin 19”.
Presidenti i Serbisë, Aleksandar Vuçiç, është shprehur pas takimit me Kurtin në Bruksel, “se njerëzit po kthehen 150 vite prapa dhe po flasin për të kaluarën”, duke iu referuar kryeministrit të Kosovës.
Ai ka thënë se Kurti e ka akuzuar Serbinë për tri gjenocide ndaj shqiptarëve. “Ishin tri pika, të intensifikojmë përpjekjet e përbashkëta për identifikimin e personave të zhdukur, të përmbahemi nga gjërat që mund të përshkallëzojnë situatën dhe që palët të takohen rregullisht”, ka thënë Vuçiç për agjencinë Tanjug.
Vuçiç ka akuzuar Kurtin se gjatë gjithë kohës ka insistuar për gjëra që nuk kishte pajtim të Serbisë dhe të BE-së.
“Qëndrimi i tyre ishte se Serbia është fajtore për tri gjenocide ndaj shqiptarëve në Kosovë”, tha ai. “Gjithçka po sillet rreth asaj që të shtyhet Serbia ta njohë pavarësinë e Kosovës. Njerëzit në BE nuk po besojnë atë që po dëgjojnë. Njeriu u kthye në shekullin XIX. Siç po e shihni, jam i brengosur”, shtoi presidenti i Serbisë
Kurti në anën tjetër ka akuzuar Vuçiqin se nuk është i gatshëm për marrëveshje, dhe se e ka refuzuar një deklaratë të paqes të propozuar prej tij pa e lexuar fare.
