Orët e mbrëmjes kanë rikthyer sërish tensionet në Shkodër.
Rreth orës 20:00, administrata e bashkisë së këtij qyteti ka zbarkuar në KZAZ numër 2.
Forca të shumta policie po qëndrojnë përpara portës kryesore të Pallatit të Sporti.
Më pas, mbështetës të Partisë Demokratike u nisën drejt një qendër votimi ku kanë ardhur materialet zgjedhore nga KQZ. Bëhet fjalë për shkollën “Shejnaze Juka”.
Përfaqësuesit e PD i kanë vendosur flakën njërës prej klasave të shkollës “Shejnaze Juka”.
Mbërritja e forcave të FNSH ka tërhequr pas përfaqësuesit e opozitës të cilët ndodhen në derën kryesore. Materialet zgjedhore janë të paprekura deri më tani.
Bashkia Shkodër nderkohe u ka dërguar një shkresë shkollave të qytetit dhe në njësitë administrative të saj të mos lejojnë të aksesohen nga persona dhe institucione të paautorizuar na bashkia e Shkodrës për të hyrë në këto objekte.
“Meqënëse objektet e shkollës janë asete në pronësi të Bashkisë Shlkodër dhe administrohen si territore nga bashkia Shkodër këto objekte nuk duhen të aksesohen nga persona dhe institucione të paautorizuar nga Bashkia Shkodër për të hyrë në këto objekte.”
Bashkia e mbyll kërkesën për të cilën ka vënë në dijeni dhe drejtorinë rajonale arsimore në Lezhë duke nënvizuar: “Përgjegjësia juaj është administrimi dhe mirëorganizmi i procesit mësimor dhe jo administrimi i objektit”
Kërkesa mban firmën e kryetares së bashkisë Voltana Ademi.
