Thellohen divergjencat dhe përplasjet mes Partisë Demokratike dhe Lëvizjes Socialiste për Integrim. Gazeta e ka deklaruar se PD dhe LSI janë sot në kampin opozitar për shkak se i bashkon kauza për rrëzimin e kryeministrit Edi Rama nga qeveria, pasi përveç kësaj këto dy parti nuk i bashkon asgjë.
Por ditët e fundit sipas informacioneve nga selia blu, mësohet se marrëdhëniet mes partisë së kryemadhit dhe partisë së Bashës janë të tendosura dhe të acaruara. Arsyeja është braktisja e retorikës së ashpër nga ana e kryedemokratit Lulzim Basha në raport me qeverinë. Gjatë këtyre ditëve të vetmit që po bëjnë opozitë kundër mazhorancës ish-kryeministri Sali Berisha dhe nënkryetari i Lëvizjes Socialiste për Integrim Petrit Vasili.
Ky i fundit po shfrytëzon situatën e koronavirusit, duke u hedhur në sulm kundër qeverisë. Thuajse çdo ditë në rrjetet sociale, por edhe në media zoti Vasili ka qenë tejet aktivë, duke hedhur akuza ndaj qeverisë dhe e bërë përgjegjëse atë për mosmarrjen e masave parandalues për koronavirusin. Madje, jo më larg se paraditen e sotme nënkryetari i partisë së Kryemadhit ka sulmuar grupin e mjekëve që po drejton luftën kundër koronavirusit.
Gjatë një intervistë për mediat, Vasili në cilësinë edhe të ish-ministrit të Shëndetësisë theksoi se nxjerrja jashtë loje e mjekut të familjes për përballimin e kësaj pandemie ka qenë gabimi më i rëndë që shëndetësia shqiptare ka bërë. “Çështja e mjekut të familjes ka qenë gabimi më i rëndë strategjik që shëndetësia shqiptare ka bërë. Ka mister kush e mori këtë vendim, një përgjigje e kam që këtë vendim e ka marrë kryeministri me ministrin e Shëndetësisë, se vetëm këta njerëz mund të marrin vendime të tilla. Mjeku i familjes duhet të ishte që në momentin e parë kur beteja me pandeminë filloi. Vija e parë e zjarrit është mjeku i familjes, kujdesi shëndetësor parësor. Spitali Infektiv në Tiranë është njësi klinike e kujdesit shëndetësor terciar apo tretësor, e specializuar. Vija e frontit nuk vendoset në Spitalin Infektiv, është vendosja më e gabuar e vijës së frontit. Mijëra mjekë të familjes janë filtra profesionalë të kualifikuar për raste të dyshuara me pandemi”, deklaroi ai.
Po ashtu, nënkryetari i Lëvizjes Socialiste për Integrim, Petrit Vasili theksoi se kanalizimi te 127 i të gjithë fluksit të urgjencave për Vasilin është e gabuar, këtë strategji nuk e sheh si shkak të paaftësisë por të qëllimshme për të monopolizuar të vërtetën e pandemisë. “A mundet që një njeri i thjeshtë që përmes komunikimit në telefon të zgjidhë problemet dhe të ndajë mundësitë e infektimit me koronavirus apo jo? Kjo nuk ndodh në një ditë të zakonshme. Është e qëllimshme për të fshehur të vërtetën pasi mjekët e familjes do të raportonin cila ishte gjendja e pandemisë”, nënvizoi Vasili. Pra, përmes këtyre deklaratave dhe reagimeve, Vasili i ka dërguar mesazhe të koduara kryedemokratit Lulzim Basha që të unifikohej me të dhe ta mbështesë atë.
Por teksa ish-kryeministri Sali Berisha, mbështetës të këtij të fundit dhe Lëvizjes Socialiste për Integrim prisnin që kreu i Partisë Demokratike, Lulzim Basha të bënte një opozitë të fortë kundër mazhorancë në kushtet kur Shqipëri është në gjendje të jashtëzakonshme për shkak të koronavirusit, nuk ka ndodhur aspak kështu. Gjatë këtyre ditëve të vështira që po kalon vendi lideri demokrat është distancuar nga LSI, duke e lënë atë në baltë, ndërkohë që ka hequr dorë edhe nga sulmet, akuzat dhe gjuha e ashpër politike. Jo më larg se para disa ditësh, më konkretisht në ditën Botërore të Shëndetit, kreu i Partisë Demokratike, Lulzim Basha ka shprehur mirënjohjen e tij ndaj bluzave të bardha që po përballet prej një muaji me pandeminë e Covid-19, ndryshe nga zoti Vasili që i sulmojë sot mjekët dhe infermierët. “Ata janë garancia dhe forca jonë, bashkë me të cilët do ta fitojmë këtë betejë”, shkruan ai. Ndërkohë që, në datën 10 prill Basha i bëri tjetër propozim Ramës, kur tha se duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit. Kujtojmë që, propozimet nga Lulzim Basha për qeverinë për të ndihmuar shqiptarët brenda dhe jashtë kufijve kanë qenë pothuajse çdo ditë, ndërsa shumica e propozimeve të kryetarit të Partisë Demokratike janë marrë në konsideratë nga kryeministri Edi Rama. Pra, të gjitha këto tregojnë se Basha jovetëm që është distancuar nga LSI, por e ka lënë në baltë këtë të fundit në betejën me qeverinë.
