Një skandal i rëndë ka shpërthyer brenda kompanisë celulare One, pas akuzave serioze për një skemë mashtrimi ndaj partnerëve të saj, konkretisht dyqaneve që operojnë nën markën “One”.
Sipas burimeve të brendshme, partnerët janë ankuar per politikën tregtare zhvatëse ndaj tyre, duke dalë me humbje të mëdha që nga Prilli i vitit 2024, kur është aplikuar skema e mashtrimit dhe deri më sot, duke ngritur dyshime për praktika të qëllimshme mashtruese nga menaxhmenti lokal.
Si përgjigje ndaj situatës alarmante, kompania hungareze 4iG – që e disponon në pronësi – ka ndërhyrë menjëherë duke dërguar mbikëqyrës të posaçëm nga Hungaria për të hetuar nga afër zhvillimet dhe për të rikthyer besimin në sistem.
Ky hap konsiderohet një masë e fortë për të vënë nën kontroll keqmenaxhimin dhe për të garantuar transparencë ndaj partnerëve tregtarë pasi në bazë të tyre është rritur dhe zhvilluar kompania.
