Ish-deputeti demokrat, Halim Kosova ka komentuar situatën brenda PD-së pas humbjes dhe kërkesën e Bujar Nishanit që Lulzim Basha duhet të largohet.
I ftuar në emisionin “Kjo javë”, Kosova tha se PD duhet ti vë gishtin kokës dhe të mos justifikohet më për humbjen se ‘na vodhën’.
“PD duhet ti vendosë gishtin kokës se ka disa zgjedhje që i vetmi sebep është që “na i vodhi”. Basha mendoj se do të reflektojë drejtë, pasi do të jetë të mirë të PD-së dhe vendit. Nga shifrat nuk ka humbur PD, por qindra dhe mijëra qytetarë që shpresonin se diçka do të bëhej për ata.
Nishani? Unë po flas pak më në përgjithësi, që të mos godas direkt. Unë do të mendoja që cdo njeri që del në tavolinë para kamerave dhe thotë do të rregulloj PD-në, minimumi është që të shikojë njëherë veten dhe pastaj të thotë do të rregulloj këtë apo atë” përfundoi ai.
