Një 22-vjeçar shqiptar është qëlluar për vdekje me thikë në Londër. Sipas mediave britanike bëhet fjalë për Fatjon Oruçin, me origjinë nga Kukësi.
Sipas raportimeve, i riu ka ndërruar jetë rreth orës 1:20 të datës 1 janar 2022, pak pas ndërrimit të viteve.
Përpara se të sulmohej për vdekje me thikë, i riu 22-vjeçar është dhunuar, dyshohet nga dy persona. Në vendin e ngjarjes në Rotherham, janë vendosur edhe dy buqeta me lule në nder të viktimës.
Tre persona janë arrestuar për vrasjen ndërsa më pas janë lënë të lirë për mungesë provash teksa hetimet për krimin vijojnë. Natën e ndërrimit të viteve, një 26-vjeçar dhe një grua 20-vjeçare u arrestuan të dyshuar për vrasjen në Londër.
Ata janë liruar ndërsa janë ende nën hetim nga autoritetet. Policia britanike ka bërë thirrje ndaj qytetarëve që kanë dijeni për vrasjen, të kontakotjnë autoritetet për të zbardhur krimin e rëndë.
