I sapokthyer nga Londra, Lulzim Basha, shkoi pasditen e sotme në Shkodër, ku mori pjesë në ceremoninë e inagurimit të Memorialit të viktimave të regjimit komunist.
Basha tha se përballë domosdoshmërisë për të mbrojtur demokracinë, janë gati të sakrifikojnë gjithçka.
“Nuk ka fitore të vlerave pa heronj, nuk ka fitore të vlerave pa sakrificë sublime. Pema e lirisë vaditet nga gjaku i patriotëve dhe i tiranëve”, tha z.Basha dhe shtoi:
“Kjo thënie e famshme e Taomas Xherferson, një prej baballarëve themelues të Shteteve të Bashkuara, më shkon sot në mendje teksa përgatitemi nën frymësimin e heronjve që diktatura i donte të harruar por që sot janë më të gjallë se kurrë në këtë monumenet, në këtë simfoni të sotme kujtese, nën frymëzimin e tyre pra, teksa përgatitemi për çdo sakrificë për çdo çmim për të mbrojtur demokracinë, lirinë, dhe kurrë më për të mos lënë një tjetër tirani të vesit të dhunojë Shqipërinë dhe shqiptarët”, tha Basha.
Ai rezervoi edhe një ndjesë për faktin që nuk është bërë si dhe sa duhet me të përndjekurit.
“Jam këtu me vetëdijen e plotë të peshës dhe përgjegjësisë që kam unë dhe partia ime. I vetëdijshëm që gjithçka që është arritur në raport me borxhin e pashlyeshëm të mirënjohjes kombëtare, morale, ndaj të përndjekurve politikë, familjarëve dhe pasardhësve të tyre, është meritë e PD-së dhe gjithçka që nuk është arritur, është përgjegjësi e Partisë Demokratike”.
“Nuk mund ta kërkoni dhe as nuk dua ta kërkoni askund tjetër. Përgjegjësia është e jona. Ndjesa e thellë për gjithçka që nuk është arritur, është përgjegjësi e jona”, tha Basha.
Palaço i partisë antidemokratike që kurrë nuk i dëmdshpërbleu të përndjekurit u tallë me ta, i rrahu i dhunoi(për ju që keni harruar grevën e urisë me Azem Hajdarin), i masakroi dhe i poshtro,i duke i dërguar deri në vetflijim (rasti i Lirak Bejko) dhe dhunimin e dhjetëra të përndjekurve të tjerë, duke e kthyer shoqatën nga të perndjekur me ish policisë burgjesh që kishin ruajtur të burgosurit politik (kishin vuajtur si ata).
