Twitter po përgatitet për revolucion, 17 vite pas themelimit të tij. Rrjeti social i famshëm social është gati të braktisë logon e tij karakteristike, zogun, dhe ta zëvendësojë me një ‘X’. Njoftimi vjen drejtpërdrejt nga Elon Musk, me një postim elokuent të parë nga mbi 15 milionë njerëz. “Nëse një logo mjaft e mirë ‘X’ del sonte, ajo do të jetë ‘live’ në të gjithë botën nga nesër”, – shkroi sipërmarrësi 52-vjeçar.
Pra, logoja e Twitter bëhet ‘X’, po përse kështu? Zgjedhja e logos së re, të mundshme, e Twitter ka të bëjë me shijet sipërmarrëse (dhe jo vetëm) të Elon Musk. ‘X’ mund t’i referohet ‘Model X’ të Tesla, ‘Space X’, kompania e eksplorimit të hapësirës e themeluar nga sipërmarrësi 52-vjeçar, deri te ‘X.AI’, një ‘startup’ i dedikuar inteligjencës artificiale. Flitet se ka gjithashtu frymëzim të Musk, lidhur me dashuritë familjare. Djali më i vogël i sipërmarrësit në fakt quhet ‘X Æ A-12’.
Revolucioni i Twitter nuk ka të bëjë fare me një strategji të thjeshtë marketing. Ndryshimi i emrit të kompanisë së Twitter në ‘X Corp’ daton disa muaj më parë. Kjo sepse Twitter nuk do të jetë më një rrjet social ‘i thjeshtë’, por do të ndryshojë natyrën e tij në një ‘aplikacion për gjithçka’, sipas linjës së ‘WeChat’ në Kinë. Një mjet që nuk kufizohet vetëm në mesazhe, por shtrihet në shumë funksione të tjera dhe pagesa.
