Të resë shqiptare Sibora Gegani, që u vra nga i dashuri i saj rreth 9 vite më parë dhe u muros në një apartament në Torremolinos (Málaga) në Spanjë i është dhënë lamtumira e fundit nga familja dhe të afërmit. Trupi i pajetë i saj u gjet rreth 5 muaj më parë i murosur në një apartament në Torremolinos, në Spanjë.
Ajo ishte vetëm 22-vjeç kur u pa për herë të fundit. Nëna e Siborës mes lotësh dhe dhimbjes shprehet se bashkë me vajzën edhe ajo ka vdekur.
“Marco (përgjegjës për vrasjen e Sibora Gaganit) shkatërroi jetën e vajzës sime, por në të njëjtën kohë ai mori edhe jetën time. Zemra ime ka vdekur me të”, kështu thotë ajo e shkatërruar.
Lamtumira iu dha këtë të shtunë në vendin ku u rrit dhe jetoi pjesën më të madhe të jetës, Italinë.
Eshtrat e Geganit u gjetën në banesën ku ajo ka pas jetuar bashkë me ish-të dashurin e saj, Marco Remeo, i cili është është edhe vrasësi i saj. E ëma tregon se e takoi atë në Nettuno, një komunë italiane e vendosur në kryeqytetin metropolitan të Romës, ku edhe ajo jetonte.
“Në vitin e parë që u takuan, nuk mendoja asgjë të keqe për të, as nuk kishte ndonjë gjë që më bëri të mendoj se ai mund ta keqtrajtonte”, thotë nëna e saj. Megjithatë, marrëdhënia përparoi dhe në një nga vizitat e Elisabetës në Malaga, vajza e saj rrëfeu se “ai ishte shumë posesiv dhe se ajo nuk donte të ishte më me të”. Ai gjithashtu ka rrëfyer se, nëse një ditë do të arrinte të ndahej prej tij, “do të duhej të shkonte larg, në një vend ku nuk do ta gjente”.
“Një ditë më tha se do të më telefononte dhe nuk e bëri kurrë.” Ndërkohë, partneri i tij dhe personi i fundit me të cilin kishte mbajtur kontakte, i siguroi të afërmit se ai ishte larguar pa njoftim paraprak dhe se gjithashtu nuk e dinte vendndodhjen e tij. Fillova të shqetësohem sepse gjithçka më dukej shumë e çuditshme”, shpjegon.
Ajo e pranon se dyshimet kanë qenë gjithmonë te Marko, megjithëse thekson se nuk e kishte menduar kurrë “se ai do t’i bënte diçka kaq të keqe të bijës”.
“Kur pashë fytyrën e tij në televizion dhe në gazeta se kishte vrarë një vajzë tjetër, e dija që nuk ishte Sibora”, ka thënë ajo.
Dhe megjithëse kaluan nëntë vite “të tmerrshme” pa ditur asgjë për të bijën, e ëma thotë se ka pasur gjithmonë “besimin” se një ditë ajo do të kthehej.
Pas rreth 9 vitesh nga vrasja në vitin 2014 në Spanjë, autoritetet kanë arritur të gjejnë eshtrat e Sibora Geganit në banesën ku ajo ka jetuar bashkë me ish-të dashurin e saj, Marco Remeo. Zbulimi i eshtrave të saj, erdhi pas dëshmisë që ka dhënë autori, i cili pas arrestimit në muajin maj dëshmoi se e kishte vrarë Geganin dhe e kishte murosur në murin e banesës. Eshtrat e 22-vjeçares shqiptare u gjetën më 7 qershor të këtij viti në një qese plastike brenda një muri në banesën në Malaga ku banonte çifti. Sibora Gagani u shpërngul në një banesë me italianin në Costa del Sol në vitin 2011 dhe u zhduk më 7 korrik 2014. Në atë kohë, Gagani ishte 22 vjeç dhe punonte si kamariere në qytetin Costa del Sol.
