Alqi Bllako ka dorëzuar sot, 30 mars mandatin e deputetit pasi Prokuroria e Posaçme ka kërkuar arrestimin e tij.
Kryeministri Rama në një deklaratë për mediet pas përundimit të mbledhjes së kryesisë së PS-së tregoi nëse ka pasur komunikim me zotin Bllako.
A keni pasur komunikim me zotin Bllako?
Rama: Me kë zotëri? Urdhëro?
Gazetarja i ripërsëriti pyetjen se si e shikon faktin që shumica e perosnva të arrestuar janë nga kampi mazhoritar.
Rama: Të flasësh për kënaqësi kur cilido qoftë kërkohet për tu ndaluar, për tu arrestuar, besoj që është e tepërt. Nuk ka nevojë të flasim këtu për kënaqësi. Ky është një proces që sapo ka filluar.
Imagjinoni sikur këtu të ndodhte e kundërta dhe të ishin në këtë situatë disa individë jo nga kjo shumicë, por disa individë që janë kundërshtar i kësaj shumice se çfarë do thuhej sot. Kjo është çfarë ujë i ke dhënë gomarit. Unë nuk merrem as me ujin as me gomarin.
Nuk kam asnjë shqetësim tjetër përveçse që kjo reformë në drejtësi të shkojë përpara. Nuk do të jetë e lehtë, do ketë ngritje dhe ulje në kuptimin e cilësisë së këtij procesi. I them shqiptarëve mos u trishtoni kur shikoni rënie të drejtësisë, por merrni forcë kur drejtësia guxon dhe askush nuk i ndal dorën t’i thotë jo.
Gazetarët tentuan dhe njëherë dhe e pyetën nëse ka pasur komunikim me zotin Bllako. Rama ja preu shkurt duke i thënë se e ka mbyllur këtë temë.
Rama: Unë e kam mbyllur këtë temë. Nuk ka asnjë pyetje të fundit në lidhje me këtë temë. Unë po rri në shi për ju, nuk po kërkoj çadër. Nëse më ndërpritet fjala do iki.
