Vendimi i Gjykatës Kushtetuese për të mos shkarkuar presidentin Ilir Meta, ka sjellë një sërë diskutimesh.
Juristja e njohur Brizida Gjikondi e cila komentoi këtë vendim. Gjikondi u shpreh se ky është një vendim politik dhe aspak një vendim profesional.
“Ata kishin konkluduar që brenda 10 ditësh, do të jepnin një vendim të shkurtuar, dhe brenda 30 ditësh, siç e përcakton edhe ligj, kodi i procedures civile, për të dhënë një vendim të arsyetuar. Marrja e vendimit të tyre, 6 vota kudër shkarkimit dhe 1 votë kundër, rikonfirmoi edhe njëherë për ne shqiptarët që funksionojmë ndershëm, që gjithmonë nga gënjen mendja që do të ketë një drejtësi reale.
Ramë sërish në grackën e hipokrizisë së politikës, që bën sikur ndëshkon pjesët e radhëve të aj, por ndërkohë e ka thjesht për të ngritur idealizma dhe për të krijuar iluzione të kota tek shqiptarët. Ai ka qenë një vendim politik, kurrsesi nuk ka qenë një vendim profesional.
Nuk është nevoja që Gjykata Kushtetuese dhe anëtarët e saj, të cilët janë të zgjedhur të gjithë, nga politika dhe nuk kanë karriera të spikatura në gjyqësorin shqiptar, dhe shumica për të mos thënë 90% e tyre, janë të zgjedhur në sajë të një emergjence dhe kushteve që krijoi reforma në drejtësi. Unë e shikoj në dy aspekte.
E para që Metës i është bërë një favor i madh, deri në fund të korrikut dhe gati edhe një gjysmë viti tjetër ne do të kemi një president, një figurë e kompromentuar dhe një figure që kurrsesi nuk është pjesë e elitës së mendimit shqiptar dhe e dinjitetit kombëtar shqiptar.
I jepet kohë atij, për të kopsitur letrat e tij personale, dhe të mbyllë problemet që ka me drejtësinë dhe me ndërkombëtarët.” u shpreh Gjikondi për Dritare TV.
