Gjyqtari i Gjykatës së Tiranës, Bledar Abdullai ësthë shkarkuar ditën e sotme nga Komisioni i Pavarur i Kualifikimit.
KPK-ja deklaroi se ai u shkarkua pasi nuk ka bërë deklarim të saktë të pasurisë së tij.
Sipas KPK subjekti në fjalë nuk ka përmbushur detyrimet ligjore për të deklaruar disa prona që disponon.
Po ashtu gjyqtari Abdullai kishte deklaruar se është investitor në fondin e pensioneve, në një bankë të nivelit të dytë, por nuk ka deklaruar se edhe bashkëshortja e mamaja e tij, janë aksionere në të njëjtën shoqëri.
Bledar Abdullai është njëkohësisht edhe kandidat për Këshillin e Lartë Gjyqësor.
Pas hetimeve të KPK, bashkëjetuesja e gjyqtarit nuk justifikon një shtëpi në Golem; disa llogari në emër të saj; konkretisht 90 mijë dollarë, 130 mijë euro; një apartament të blerë në Tiranë, një zyrë dhe një garazh me vlerë totale 187 mijë euro.
Gjatë seancës dëgjimore, gjyqtari u justifikua se bashkëjetuesja e tij këto para i ka nga bizneset dhe trashëgimi nga familja.
Gjithashtu KPK ka konstatuar se gjyqtari i Tiranës ka liruar një të burgosur të arrestuar për drogë. Gjyqtari i ka dhënë masën arrest shtëpiak, ndërkohë që apeli i Tiranës e ka rikthyer në burg këtë person. Tjetër shkelje e tij, është tejkalimi i afateve për disa çështje civile, duke i zgjatur ato më shumë se 1 vit e gjysëm pa arsye.
