Ylli Manjani ka reaguar pas lajmit të dhënë nga kryeministri Rama se duke filluar nga e enjtja maska do të jetë e detyrueshme të mbahet edhe në mjedise të hapura.
Por për Manjanin ky ligj, është e barabartë me dënim me vdekje pasi ai ka probleme nga mushkëritë.
Manjani shprehet se kur del mjedise të hapura përpiqet ti zgjedh që të siguroj ventilim maksimal mushkërive.
Ai thotë hapur se nuk do të mbajë maskë.
“Për mua personalisht, si pacient kronik mushkërish, mbajtja e maskës pa ndalim në mjedise të hapura është e barabartë me dënim me vdekje.
Kur dal në mjedise të hapura përpiqet ti zgjedh që të siguroj ventilim maksimal mushkërive. Ndaj vendosja e një maske ma komplikon ndjeshëm këtë proçes të domosdoshëm natyral.
E ruaj veten sa më ska! Kam vite i mësuar me idenë e ruajtjes së vetes nga ndotja dhe virozat. Është afër mendsh të mendoj që policët apo qeveria e do shëndetin tim më shumë sesa unë vetë.
Ndaj nuk kam ndërmend të vdes nga një vendim administrativ i shtetit, që më ndslon të ventiloj mushkëritë e sëmura me ajër të pastër!
Maskën e mbaj rregullisht në mjedise të mbyllura dhe në vende ku ka tubime njerëzish, por nëse urdhërohem ta mbaj gjithmonë praktikisht ky urdhër është dënim kundër shëndetit e jetës sime.
Nuk jam revolucionar, as bëj thirrje për revolucion. Por maskë në ajër të pastër nuk mund të mbaj! Thjesht e kam të pamundur.
Njëkohësisht, nuk e kuptoj pse duhet të mbajnë maskë ata që e ka ë kaluar virusin?! Ata as japin e as marrin më virus.
Ndaj ata që bëjnë rregulla e ata që i zbatojnë duhe të kuptojnë se jo të gjithë njerëzit janë të mundur ti zbatojnë ato.
E përsëris: maska për tu mbrojtur në mjedise të mbyllura ose në vende me turma njerëzish, po duhet të jetë me detyrim, por jo gjithandej e jo për të pamundurit”, shkruan Ylli Manjani.
