Ka rinisur me debate seanca plenare këtë pasdite, ku kryetari i Parlamentit i ka dhënë fjalë ish-kryeministrit Sali Berisha, por ky i fundit, ka refuzuar të flasë pasi ka kërkuar që në këtë seancë të rëndësishme duhet të jetë patjetër edhe kreu i ekzekutivit.
“Ka një detyrim, kushtetuta e vendit dhe parlamentit, kur është fjala për buxhetin, ai që është kryetar ekzekutivi duhet të jetë këtu, jo me vezë dhe speca ta gjuajnë, por dhe me ato të tjerat që i meriton ta gjuajnë, prandaj thirre të vij këtu zotëri”, u shpreh Berisha.
Debati ka vijuar më tej mes palëve, me demokratët që kanë kërkuar që kamerat e televizioneve të jenë në sallë, dhe seanca të mos transmetohet me regji qendrore, ndërsa socialistët thanë se kamerat e televizioneve nuk janë ndaluar të marrin pjesë në seancë.
Basha: Nuk ka parlament që të qëndrojë e të pranojë një qeverie një kryeministër që kapet me skandale të përmasave financiare që zhysnin ço qeveri evropiane, s’ka parlament që pranon kapjen e ekraneve dhe bën transmetimin me regji qendrore. Ato pak media që janë jo të kapura mediave duhet tu jepet mundësia të jenë aty. Verifikoni që si keni larguar ju.
Ruçi: Të gjitha mediat që kanë qen në oborrin e parlamentit janë aty. Janë njoftuar se seanca do rifillojë.
Basha: Derisa të verifikohet që çdo media të ketë operatorin dhe gazetarin e vet, jepja fjalën një nga grupi tjetër.
Balla: Jemi bërë si një kopesh fëmijët që i kurohet kryeartit të kontrollojë ekranet e mediave. Të njëjtat media që kanë qenë në pjesën e parë të kësaj seancë janë ende. Kamerat i kanë mbajtur jashtë për shkak të interesit të intervistave që deputetët japin në pushimet e esencës plenare.
Kryetari i grupit parlamentar të PS-së u shpreh se, do të depozitojë kallëzim penal ndaj deputetit demokrat, Endri Hasa. Ligjvënësi i PD-së, më herët gjatë ditës së sotme, qëlloi me vezë kryeministrin Rama, teksa ky fundit fliste në foltore.
