Problemet e shëndetit mendor prekin familjet dhe çiftet e reja. Një grua e gjendur në mes të udhëkryqit me një burrë që vuan nga disa çregullime mendore në një moment thyhet dhe e tradhëton të shoqin. Ajo ka rrëfyer historinë e marrdhënies së saj prooblematike për The Guardian.
Gjashtë vite më parë bashkëshorti im, i cili prej kohësh vuan nga depresioni, u diagnostifikua me një sëmundje e cila në mënyrë progressive po punon për ta shkatërruar. Nuk ka punuar kurrë në jetë edhe tani e kalon kohën duke pirë alkool e duke fjetur. Kam vite që punoj pa pushim në mënyrë që vajzave të mia të mos i mungojë gjë. Teksa ndjehesha konfuze, e vetmuar dhe në mes të një udhëkryqi e tradhëtova bashkëshortin tim.
Gjithsesi pas katër vitesh lidhje me të dashurin tim, gruaja e tij e kuptoi dhe i tha burrit tim. Ne vazhdojmë të kemi marrdhënie jashtëmartesore, por ai nuk ka asnjë qëllim të lerë gruan për mua.
Të mos ishte për fëmijët që kemi bashkë, mendoj se burri im do ti jepte fund. Ndër vite unë kam angazhuar terapistë, psikologë të cilët janë munduar të bëjnë diçka, por pa rezultat. Ai prej vitesh kurohet me antidepresivë , medikamente kundër ankthit si dhe merr ilaçe gjumi, gjithsesi asgjë nuk ndihmon.
Më mungon i dashuri im gjithsesi, ai u shëndrrua në një mbështetje për mua. I kërkoja këshilla, bisedonim, kishim një lidhje tejet intime dhe emocionale. Burri im refuzon të flasë për të ardhmen. Kur mori vesh që e tradhëtoja e vetmja gjë që tha ishte : “ Me siguri nuk je e lumtur”.
Ndjehem e vetmuar, kam miq por kam nevojë për një partner në jetë dhe seks. Një terapist më tha se martesa ime ka marrë fund, por partneri im ka nevojë për kujdes dhe nuk mund ti largoj vajzat prej tij. Nuk di çfarë të bëj, si mund të jetoj normalisht kështu?
