Komisioni i Pavarur i Kualifikimit ka vendosur sot shkarkimin nga detyra të prokurorit të Tiranës, Arben Nela. Trupa gjyqësore e përbërë nga Etleda Çiftja, Valbona Sanxhaktari dhe Pamela Qirko u shpreh se “deklarimi i pasurive nga prokurori Arben Nela nuk është i saktë”.
Nela, i cili ishte zëvëndës prokuror i Tiranës, është edhe kandidat për Këshillin e Lartë të Prokurorisë, ka një apartament 99.4 metra katrorë, blerë në vitin 2011 për 41 mijë euro, në bashkëpronësi me gruan. E ka blerë me kursimet në vite nga puna që prej vitit 1998 dhe kursimet e gruas, e cila punon në Ministrinë e Transporteve dhe profesoreshë.
Për blerjen e kësaj shtëpie prokurori ka deklaruar se ka marrë borxh 25 mijë euro edhe nga motra e gruas. Për këtë apartament ka mospërputhje në deklarimet e pasurisë në vite. Ndërsa për borxhin e marrë nga kunata është e paqartë se kur ia ka marrë dhe kur ia ka kthyer.
Edhe Arbeni nga Lanabregasi ishte i rehatuar familjarisht nga politika, por tani duhet të shkundet dhe t’i prishet tehati.
