Që në muajin prill nisën seancat dëgjimore kryesisht për anëtarët e Gjykatës Kushtetuese, ndërsa dje kaluan në sitë dhe dy kandidatë për në KLP dhe KLGJ. Ndërkohë të premten do të dalë para KKP kreu i Gjykatës Kushtetuese, Bashkim Dedja, pasi do të mbahet seanca dëgjimore.
Të gjithë pjestaret e sistemit të drejtësisë i janë nënshtruar një kontrolli rigoroz, nga kontrolli i llogarive bankare, te të ardhurat e çdo familjari e deri te pasuritë e paluajtshme. Secili institucion i dërgon Komisionit të Kualifikimit një raport për secilin emër.
Në datë 8 qershor në orën 10:00, Deda do të dalë para Komisionit të Pavarur të Kualifikimit të Vettingut. Trupa që do të gjykojë dosjen e tij do të përbëhet nga Valbona Sanxhaktari, Roland Ilia dhe Xhensila Pine.
Aktualisht vendi është pa gjykatë Kushtetuese, pasi ka mbetur me tre anëtarë. Më herët dha dorëheqjen Besnik Imeraj, ndërsa u shkarkuan Fatos Lulo, Altina Xhoxhaj dhe Fatmir Hoxha. E vetmja që e kaloi ishte Vitore Tusha. Gani Dizdari dhe Bashkim Dedja ende nuk kanë kaluar në sitën e vettingut.
