Aleatët e vegjël të opozitës i kërkojnë kryedemokratit Lulzim Basha që të ulet në tryezë dialogu me Edi Ramën edhe si kryeministër.
Sipas kryetarit të PDK-së, Nard Ndoka, kreu i shtetit, Ilir Meta ka zhvilluar një takim me kryetarin e Kuvendit, Gramoz Ruçi, por që sipas tij nuk ka prodhuar rezultat.
“Ne i kemi kërkuar Bashës të ulet në një tryezë dialogu tek Presidenti i Republikës, edhe me Ramën si Kryeministër.
Kërkesa jonë është logjike, por ultimatumi i Bashës për largimin e Ramës është i pakthyeshëm.
Jemi përpjekur të vendosim kanale komunikimi dhe me kryeministrin Rama.”, tha Nard Ndoka.
