Myrto Uzuni e nisi nga stoli përballjen e sotme kundër Las Palmasit. Sulmuesi nga Berati u aktivizua në fillimin e pjesës së dytë, por pa mundur të shtojë emrin e tij në listën e golashënuesëve të takimit.
Në fakt, ishin disa centimetra distancë nga mbrojtësi kundërshtarë ato që i mohuan golin mbrëmjen e sotme.
Në minutën e 73-të, kur rezultati shënonte 1-1, Uzuni arrin të shmangë portierin e Las Palmasit dhe ta shtyjë topin në rrjetë. Futbollisti shqiptar feston menjëherë, duke ngritur edhe pikëpyetje me gjestin e tij. 28-vjeçari vendosi gishtin përpara gojës, duke dhënë mesazhin: “Qepeni gojën”!
Por festa i ndërpritet në mes, teska sheh anësorin që mban ngritur flamurin për të sinjalizuar pozicion jashtë loje. Gjithsesi, mënyra që Uzuni zgjodhi për të festuar ka ngritur dyshime se cilit i drejtohet ai mesazh./Sport Ekspres/
https://twitter.com/i/status/1753827229824410013
