Kryetari i Partisë Demokratike, Sali Berisha, ndërsa ishte duke folur nga Valencia e Spanjës ku po mbahet samiti i Partive Popullore Europiane, ka pasur edhe “demencën politike” të radhës.
Duke nënvizuar se fitorja e demokratëve më 11 maj do ishte e 75-ta pas 74 fitoreve të partive të djathta në botë, Berisha nuk po kujtonte dot emrin e partisë më të rëndësishme dhe tradicionale europiane, Demokristianëve.
“Fitorja e 75 do jetë e PD-së, e cila mezi pritet, nga partnerët tanë në Partitë Popullore…. partitë europiane…në Unionin Demokratik ndërkombëtar dhe në Qendrën Demokratike… në Qendrën Ndërkombëtare…. (pauzë e gjatë) Demo… Demokristiane…”, tha Berisha.
