Një këpucar nga Rumania, të cilit i lindi ideja për të bërë këpucë të mëdha gjatë valës së parë të koronavirusit, me qëllimin për të ndihmuar në ruajtjen e distancës fizike, ka krijuar një koleksion të ri të këpucëve të ngjashme dimërore.
Grigor Lup tha se këpucët e tij shiten në të gjithë botën dhe kjo e ndihmoi atë të shpëtonte nga falimentimi dyqanin që ka në Kluzh.
Lup filloi të bënte këpucë të mëdha kur vuri re se njerëzit po qëndronin shumë afër njëri-tjetrit dhe injoronin masat në distancë. Dy persona të veshur me këpucët e tij janë të detyruar të qëndrojnë në një distancë prej dy metrash.
Përveç porosive standarde, Lup u kontaktua nga interpretues artistikë, duke përfshirë një grup belg të vallëzimit dhe një grup rok amerikan.
“Thirrjet erdhën gjithashtu nga njerëz që veshin shumë këpucë dhe që donin që unë t’u bëja këpucë dhe atyre”, thotë Lup.
Ai bëri çizme, në numrin 75, një palë që kushtojnë 150 euro.
“Çizmet janë bërë me lesh dhe kanë thembra më të trashë dhe duhen tre herë më shumë lëkurë sesa një palë këpucë të zakonshme”, thotë Lup.
Ai bënte kryesisht këpucë për teatro dhe opera, si dhe për ansamblet folklorike tradicionale, por fusha e punës u zvogëlua për shkak të pandemisë së koronavirusit.
