Një “aset i madh politik grekar” i shtohet Parlamentit Europian: Më në fund ish anëtari i organizates terroriste “Mavi” eurodeputeti Beleri lirohet nga burgu.
Gjykata e Shkallës së Parë të Juridiksionit të Përgjithshëm Fier ka pranuar kërkesën e Alfred Belerit për lirimin me kusht.
Kjo ishte seanca e katërt në Gjykatën e Fierit për shqyrtimin e kësaj kërkese nga ana e Fredi Belerit. Me këtë vendim, Beleri fiton lirinë 1 muaj e gjysëm përpara nga koha e mbetur për vuajtjen e dënimit.
Në seancën e sotme, Beleri u përfaqësua nga avokati Geni Gjyzari. Ndërkohë, ishte gjyqtari i çështjes, Alfred Konomi, ai i cili shqyrtoi provat dhe argumentet e paraqitura nga të dyja palët.
Pas dhënies së vendimit, avokati i çështjes Geni Gjyzari ka dhënë një prononocim të shkurtër për mediat.
“Respekte për gjykatën, vendosi lirimin para kohe me kusht. Edhe 6 javë i kishin mbetur për të qëndruar në burg. U lirua sot. E shikojmë se ai pronari që ka çelësat e burgut dhe të kujtdo dha leje tani pas zgjedhjeve që të dalë nga burgu”, tha ai.
Alfred Beleri, i cili tashmë mban mandatin e eurodeputetit, u dënua me vendim të formës së prerë me 2 vite burg për korrupsion aktiv në zgjedhje.
Por anëtari i organizatës terroriste “Mavi” i arrestuar dhe i dënuar në Greqi i cili përfitoi nga masa e ndryshuar e arrestit per të mos e kryer gjithë dënimin, duke u fshehur në Shqipëri dhe duke u dorëzuar kur dënimi kishte perfunduar dhe u liruar.
Gazeta greke “Stohos” të vitit 1995, shkroi se më 19 mars 1995, policia greke kufitare afër Delvinaqit ndaloi një veturë dhe një kamion, brenda tyre gjeti 6 kallashnikovë me 878 plumba, dy pistoleta Tokaref, me 42 plumba, një radio, një bajonetë, dylbi, uniforma ushtarake.
Aty u arrestuan shtatë persona që gjendeshin brenda dy automjeteve, kryetari i grupit, Jorgos Anastasulis, 34 vjeç, shtetas grek(oficer ushtrie dhe thuhet se ka origjinë nga Himara), Apostolos Karvelas, 26 vjeç, shtetas grek (ish-polic rrugor), Marios Kutula, 25 vjeç, Fredi Beleri, 23 vjeç, (i cili përdor disa emra si Dionisios dhe Foti), Jorgo Kristo 26, vjeç, Jorgo Papa, 30, të gjithë këta janë nga Himara, Harallamb Papa, 21 vjeç, nga uji i Ftohtë i Gjinokastër. Fredi Beleri qëndroi 18 muaj në burgun e Koridhallos. Gjatë qëndrimit në burg anëtarët e MAVI-t, ia hodhën te gjithë akuzat Jorgos Anastasulis i cili ishte kryetari i grupit duke pretnduar se nuk kishin dijeni.
Videon e arrestimit të Fredi Belerit në 1995 në Janinë nga antiterrori grek së bashku me grupin “Mavi”
https://rumble.com/embed/v4amx0h/?pub=4
