Kryeministri Edi Rama ditën e sotme po mban një takim me fermerët e vendit, ku si fokus të bashkëbisedimeve me fermerët ka zgjedhur prezantimin e Paketës së Rezistencës Sociale.
Kreu i qeverisë lajmëron se janë 500 mln lekë plus për naftën pa taksa, prej një total prej 1.45 mld lekësh.
Pjesë nga fjala e Ramës:
Ju falenderoj që jeni këtu sot edhe pse është një ditë pushimi, ne jemi këtu me ministren e Bujqësisë, kryetaren e Bashkisë, për të folur pak për situatën, edhe në sektorin ku jeni kontribuyor të drejtpërdrejtë.
Ka shumë diskutime për bujqësinë, pasi një pjesë flasin për realitetin, dhe të tjerë për opinionet që i kanë krijuar nga mediat. Në njëfarë mënyrë kjo është puna e tyre.
Bujqësia ka reflektuar problemet e veta, për fermerët nuk është e thjeshtë, dhe ne kemi një sfidë të hapur që ka të bëjë me mentalitetin, që në disa zona na pengojnë për të shkuar përpara.
Të mentalitetit për të qenë të ndarë, në Bujqësi është e pamundur që të shkosh larg nëse vepron i vetëm. Një bashkim me vullnet të lirë, ku secili ka ngastrën e vetë, por të gjithë koordinojnë atë se çfarë do të mbjellin, të ndarë në prodhim dhe të bashkuar në shitje.
Pas tërmetit dhe pandemisë, ne po ndjejmë pasojat e një lufte që ndodh gjetkë, edhe në Australi që nuk ka asnjë lidhje me shtetet e tjera janë rritur çimet, është e gjithë bota në këtë situatë, nuk kanë hyrë në lufte Sukthi me Manzën, kanë hyrë në luftë dy superfuqi tregtare, pasi zotërojnë një pjesë të konsiderueshme të naftës, gazit dhe lëndëve të para, që nga hekuri dhe deri te drithërat.
