Këngëtarja shqiptare me famë botërore Bebe Rexha është shfaqur duke qarë në disa video të publikuara në Instagram.
Me anë të një postimi në Insta Story Bebe thotë se i ka folur shqip një punonjësi të sigurimit në një aeroport, duke menduar se edhe ai është shqiptar. Punonjësi në fjalë i është kthyer me zemërim artistes, e cila thotë se tani po e kërcenojnë se nuk do e lejojnë të fluturojë.
Një gjë e tillë e ka frikësuar dhe mërzitur Beben.
“Lufthansa jam kërcënuar sepse mendoja se agjenti i sigurimit ishte shqiptar. Unë fola me të në shqip duke e pyetur se ku ta marr biletën time dhe tani ai më ndalon fluturimin”, ka shkruar Bebe Rexha në video.
Artistja ka qenë në Riad të Arabisë Saudite, pasi ka qenë e ftuar për të performuar në festivalin ‘MDL Beast’, dhe ishte në rrugën e saj duke u kthyer për në shtëpi, në Los Angeles.
Ajo bëri edhe një reagim tjetër me shkrim duke shprehur indinjatën e saj ndaj kompanisë së fluturimit.
“Unë besoj se ky është një akt urrejtjeje ndaj meje sepse jam shqiptare. Ai nuk pranoj të jepte emrin e tij dhe kush ishte madje nuk më lejoi të marr s emrin e tij të. shkruar si numer në kartën e sherbimit. Vazhdonte të abuzonte verbalisht dhe psikologjikisht për të më bërë të ndihem se ishte më i fuqishëm sesa ishte në të vërtetë, vetëm një punonjës ordiner, pa asnjë kompetence perveçse asaj të kontrollit rutin të të pasaportës. Turp ishte sepse asnjë nga gratë në Lufthansa nuk ndërhyri apo nuk tha diçka.
Ai nuk do të më jepte emrin e tij, por sapo zbulova se punon për ATSG, një kompani shërbimesh për kontrollin e dokumenteve e punësuar nga Lufthansa”, shkroi artistja në InstaStory e cila premton se do ndiqte ligjërisht veprimet e nje punonjesi qesharak sicuritie ndaj personi të saj.
Video:
