Kryetari i PD, është duke kërkuar mbështetje mbarëpopullore për protestën e 16 shkurtit, në Tiranë. Ai po ndalon në çdo qytet, për të bërë bashkë shqiptarët, kundër Ramës.
Dje ishte në Lezhë, ku u shpreh: “Ju duhet të jeni gati të merrni në dorë fatin tuaj. Të zhbllokoni rrugën e mbyllur nga koalicionet e Ramës me krimin dhe oligarkinë. Kjo është thirrja ime, kjo është ftesa ime. Të gjithë sëbashku, me 16 shkurt në Tiranë.”
https://youtu.be/M0B1gcV7N-c
Nuk duket se Basha ka ndryshuar shume tonet, ofertën apo kërkesat, në krahasim me dy vjet më parë, në protestat e shkurtit 2017.
Ja si shprehej Basha, në Durrës , më 8 shkurt 2017: “Edi Rama dhe hajdutët e tij po mbajnë peng Shqipërinë. Ndaj po them që me 18 shkurt t’i japim një përgjigje të fortë. Duke u ngritur bashkë, duke u bashkuar në Tiranë, për të gjitha të këqijat. Për gjithë çfarë premtuan dhe nuk bënë. Për gjithçka që bëjnë kundër interesit të qytetarëve dhe për xhepat e tyre.
Me 18 shkurt të ngrihemi bashkë në Tiranë, e prej aty në mbarë Shqipërinë në një lëvizje popullore që nuk do të përfundojë pa rrënuar këtë qeveri, këtë bandë hajdutësh dhe pa iu kthyer pushtetin qytetarëve me zgjedhje të lira dhe të ndershme.”
https://youtu.be/5Kk-XDFkXDs
Para se të vijë 16 shkurti, ndoshta ka ardhur koha që Lulzim Basha të ndërrojë këshilluesit dhe shkruesit e fjalimeve./ dritare.net
