Prezantuesja e njohur italiane Mara Venier ka rrëfyer para publikut situatën e vështirë shëndetësore që ka kaluar.
Javën e kaluar, prezantuesja tregoi se edhe pse ishte në krye të detyrës, nuk ndihej aspak mirë, duke qenë se për shkak të një ndërhyrjeje në dhëmballë, nga një mjek i papërgjegjshëm, kishte pësuar paralizë në një pjesë të fytyrës.
Ndërsa dje ajo vendosi të shfaqej në televizion për t’i falënderuar të gjithë për dashurinë dhe mbështetjen e pabesueshme që i kanë dhënë gjatë kësaj periudhe. Ajo falënderoi publikun, fansat dhe kolegët që janë shqetësuar për të ditët e fundit. Por gjatë fjalimit të saj të ndjerë, Mara nuk i mbajti dot lotët. Ndërsa orkestra e mbështeti duke luajtur muzikë për të kaluar momentin prekës.
