Përfaqësues të institucioneve kryesore të shtetit dhe politikës shqiptare vazhduan edhe sot reagimet për protestat, që përfshinë vendin pas vrasjes me armë zjarri të një 25-vjeçari në periferi të Tiranës.
Ish-deputeti i PD, Luan Baçi teksa ka qenë në mesin e protestuesve mbajti një fjalim të shkurtër që rezultoi ‘gafë’.
Teksa thotë që kjo është mënyra e nderimit të 25-vjeçarit Klodian Rashën, Baçi devijoji duke thënë se kjo është mënyra për të festuar Partinë Demokratike e se ajo është partia që do sjellë ndryshimin në vend.
“Në kuptimin e mirë të fjalës festë. Gjetëm këtë mënyrë për të nderuar dhe kujtuar atë të ri. Gjetëm këtë mënyrë për të festuar festën e Partisë tonë Demokratike dhe për ti thënë të gjithë shqiptarëve që në këtë mënyrë do të vijë ndryshimi. Rroftë partia demokratike”– tha ish-deputeti.
Ky fjalim nuk u prit aspak mirë nga protestuesit të cilët ishin aty për një kauzë: Të kërkonin drejtësi për vrasjen e Klodian Rashës.
“Po pse bën politikë o të q**sha robt. Ai u varros atje, pse bënë politikë?!”- dëgjohet të thotë një prej protestuesve.
