Një sherr mes disa të rinjve ka ndodhur në qytetin bregdetar të Budvas. Ndonëse në video duket qartë shkëmbimi i goditjeve dhe përplasja nga një veturë, policia jozyrtarisht tha se ngjarja është denoncuar në prokurori, por se institucioni nuk ka ndërmarrë asnjë hap pasi palët e përfshira nuk kanë bërë kallëzime penale.
Një nga pjesëmarrësit në përleshjen në rrugën Mediteranska të Budvas futet në një fuoristradë dhe përshkon këmbët e një të riu, i cili ishte i shtrirë në mes të rrugës.
Kjo shihet në videon e siguruar nga vijesti pas një përplasje fizike në qendër të metropolit të turizmit malazez.
Policia ka ndaluar të gjithë pjesëmarrësit në incidentin, të cilit i ka paraprirë një aksident trafiku.
Të rinjtë raportohet se kanë pohuar para inspektorëve se kanë pasur një keqkuptim mes tyre, i cili u shndërrua në dhunë. Asnjëri prej tyre nuk donte të bënte kallëzime penale.
Të rinjtë më parë ishin dënuar edhe për kundërvajtje në trafik.
