Zonja e dytë e SHBA-ve Usha Vance planifikon një udhëtim në Grenlandë, territori vetëqeverisës dhe i pasur me minerale i aleatit amerikan, Danimarkës, të cilin Presidenti Donald Trump pretendon që Shtetet e Bashkuara të marrin kontrollin.
Vance do të largohet të enjten dhe do të kthehet të shtunën, sipas zyrës së saj. Ajo dhe një nga tre fëmijët e saj do të jenë pjesë e një delegacioni amerikan që do të “vizitojë vendet historike, të mësojë për trashëgiminë grenlandeze dhe të marrë pjesë në Avannaata Qimussersu, garën kombëtare të qenve të Grenlandës”.
Duke folur të dielën për gazetën grenlandeze Sermitsiaq, kryeministri i Groenlandës, Múte Egede, tha se vizita e Waltz ishte një “provokim”.
“Qëllimi i vetëm është të na tregohet një demonstrim fuqie dhe sinjali është të mos keqkuptohemi. Ai është këshilltari konfidencial dhe më i afërt i Trump, dhe vetëm prania e tij në Grenlandë sigurisht që do t’i bëjë amerikanët të besojnë në misionin e Trump dhe presioni do të rritet pas vizitës”, tha ai.
Vendndodhja strategjike e Grenlandës dhe burimet e pasura minerale mund të jenë një përfitim për SHBA-në. Ai rajon shtrihet përgjatë rrugës më të shkurtër nga Evropa në Amerikën e Veriut, jetike për sistemin e paralajmërimit të raketave balistike amerikane.
Megjithatë, qeveritë e Grenlandës dhe Danimarkës kanë shprehur kundërshtime ndaj një lëvizjeje të tillë. Qeveria e Grenlandës, e cila është në një periudhë të përkohshme pas zgjedhjeve të përgjithshme të 11 marsit të fituara nga një parti që favorizon një qasje të ngadaltë ndaj pavarësisë nga Danimarka, nuk iu përgjigj kërkesave për komente.
Kryeministrja daneze, Mette Frederiksen, tha në një koment me shkrim duke reaguar ndaj lajmeve të vizitës se “kjo është diçka që ne e marrim seriozisht”. Ajo tha se Danimarka dëshiron të bashkëpunojë me SHBA-në, por duhet të jetë bashkëpunim i bazuar në “rregullat themelore të sovranitetit”.
