“Edi Rama” i komedizuar ka marrë pjesë ne ditën e 3 të prostetës në Tiranë, para kryeministrisë ku ka ironizuar qeverinë dhe të gjithë ata që sipas tij kanë sulmuar protestën.
Binaj akuzoi qeverinë e cila sipas tij ka nxjerrë spiunët e saj “për të vjellë vrer ndaj kësaj proteste”.
“Qeveria në vend që të reflektojnë e të heqë taksat ka nxjerrë në fushë betejë patronazhistët sufllaqexhinjtë dhe të gjithë servilat e spiunët duke hedhur vrer për këtë protestë a thua se të gjithë keni ardhur këtu keni dalë për t’u bërë president.
E kemi kryeministrin dhe presidentin që mos i paçim. Jemi këtu që shqiptarët të hanë bukë dhe patronazhistët të mos hanë mut. Këtu kemi ardhur për dinjitetin tonë. Kur shikoni gjithë këta njerëz këtu nga cila anë do flesh”, tha Binaj.
Për të tretën ditë radhazi ka nisur protesta kundër rritjes së çmimeve dhe karburanteve në kryeqytet. Pjesë e kësaj proteste ditën e sotme janë edhe studentët. Ata bënë thirrje për një protestë masive ditën e nesërme duke thënë se janë në pikë të hallit nga neglizhimi i qeverisë.
