Nga Anri Bala
Më vjen fort mirë, që kësaj here, opozita është e mobilizuar dhe e ka marrë seriozisht këtë punën e protestës! A e dini nga e kuptova?! Sepse nuk tregonin nga do e sulmonin kundërshtarin e tyre, “armik të kombit”, për të cilin deklaruan, se e keqja do u vij andej nga se pret dhe që aksioni të ketë efektin “surprizë”, vendi nga do të nisë “revolucioni”… nuk do bëhet i ditur! Mos qeshni, nuk është aspak për të qeshur, kështu deklaruan zyrtarët e PD!
Ata, kësaj here e kanë seriozisht, edhe pse nuk janë aspak personazhe serioz, por më vjen mirë t’iu a them, se e kanë menduar me aq mençuri dhe pjekuri dhe ma kanë mbushur mendjen edhe mua, se këtë herë do të bëjnë namin… duke ngrënë fara! Për aq sa i njoh unë këta, do t’iu duhet të hiqni dhe rrobat nga teli më 26 maj, sepse rrezikoni që ato t’iu marrin erë e mos t’iu thahen, pasi turistët e SHQUP-it do të nxijnë qiellin, duke djegur vendin… me tymin e zgarave të qofteve dhe shishqebapit që do pjekin, bash në mes të vendit! Ndërsa ëmbëlsira për në fund… ikja me “bisht ndër shalë” dhe në dorë, nga një tullumb!
Por ama në podiume, karrigehumburit do t’i kërkojnë “xhevap” drejtësisë… asaj që na lanë ata peshqesh, se pse po vonohet dhe nuk vepron me forcën e ligjit kundër kriminelëve, shtetit të narkotrafikut, hajdutëve dhe oligarkëve?! Ndërsa kryehumbësi, me thirrjet e tij, që të ngjasojnë më shumë me një lopë që po ndërzehet, do të na kërkoj largimin e Ramës dhe Xhafës… por dhe në u largofshin ata, ky prapë do të vegjetojë i shkreti dhe për shumë vite, me dylbi në dorë, duke parë pushtetin me lente të kthyer mbrapsht… nëse do jetë i lirë, pas gjithë atyre zullumeve, që ka bërë dhe po i bënë vendit!
Nuk e kam kuptuar kurrë këtë nxitim të Lulit, për të larguar njerëz nga poste publike dhe mos ta çoj ndonjëherë ndërmend, se ato poste duhet t’i zëvendësoj ai vetë?! Një sqarim për Lulin, edhe në u largoftë “Fatmiri”, prapë ai do të zëvendësohet nga një emër tjetër, sepse nuk besoj se do marrosej ndonjëri prej tyre dhe ta linte karrigen ty… sapo t’i kujtohet koha kur ti qeverisje si Ministër i Brendshëm, do t’i vinë ndërmend pamjet kur bëje “piknike” me Dashin tënd, në fushat e bekuara të hashashit, ku në rrugicat e fshatit të zymtë ecje i mërzitur dhe nga krahu tjetër dilje duke qeshur, vetëm duke i marrë aromë “natyrës” përreth, për të cilën nuk ngeli media në vend apo në botë pa bërë një reportazh për të!
Sot, dëgjova dhe atë “beniaminin” tënd, të viteve të letargjisë, kur drejtoje Bashkinë, se ju nuk jeni aspak si “ata” të tjerët! E para, dua ta komplimentojë zotërinë, sepse ti dhe ai, jeni si dy pika uji, sikur keni dal nga i njëjti bark… kur vjen puna për t’iu krahasuar për kapacitet mendor! Ndërsa e dyta, më vjen mirë që “shkencëtari” yt, u kujtoi edhe një herë shqiptarëve, pamjet e tmerrit… edhe pse me fodullëkun më të madh deklaronte se, ju nuk do t’i çonit kurrë përkrahësit tuaj drejt “togës së pushkatimit”, si në kohën kur t’i ishe Ministër i Brendshëm dhe Baba-lja jot ishte kryeministër, e i shihnit protestuesit tek vriteshin me urdhërin tuaj, ndërsa përpara syve, trupat e tyre dergjeshin mbuluar me gjak mbi trotuar. E vërtetë është Lul, vetëm një kriminel apo i marrë do ta bënte një gjë të tillë! Ndaj “ata” kanë vendosur disa pllakata bronzi, pikërisht poshtë këmbëve tuaja, që ne mos të harrojmë, sidomos ju!
Nuk besoj aspak Lul, se me largimin e “Ditmirit”, do të të ulin në atë karrige, sapo ne “budallenjëve” do të na vij ndërmend koha kur u “puthe” Dorën grekëve dhe i’ua shite detin… me gjithçka kishe mbi apo nën të! As mos e ço nëpërmend, se me ikjen e “Damianit”, ti apo ndonjë etalon tjetër i SHQUP-it, do të na bëje rrugët që po na “bëjnë nënën”, dhe po i paguajmë me çmimin e gjakut. Po Lul po, me çmimin e gjakut, të të gjithë të vrarëve nëpër aksidente, sepse është faji yt Lul, që metri jot “të hante minus një”, për çdo krahë të segmentit dhe elementët e sigurisë përfunduan 230 milion dollarë në xhepin tënd, ndaj sot, vazhdojmë detyrohemi të paguajmë poshtërsinë tënde… vjedhjen e shekullit!
Ama, e kam dhe një thirrje që më buron nga zemra: Të marrsha të ligat o shtet… nëse po ngjallesh, që ua mundëson “piknikun”, që e quajnë protestë këtyre zuzarëve! Aman mos na lodh, e na e thuaj të vërtetën e “heroit” Babale, që të lirohemi nga pengmarrja e opozitës dhe kllounët t’i shikojnë nga televizori i qelisë, protestat e vërteta!/Ekskluzive.al
