Ministri i Brendshëm Fatmir Xhafaj i bën thirrje kryeprokurores Arta Marku të nisë hetimet ndaj deklarimeve të opozitës lidhur akuzat e tyre se kryeministri Edi Rama dhe ai kanë përdorur pushtetin politik për të fituar dhe pastruar paratë e krimit dhe të drogës përmes lojrave të fatit.
“I bëj thirrje prokurorisë të angazhohet seriozisht të marrë përgjejgësitë për të ushtruar kompetencat për të hetuar mbi këto deklarime. Nuk mund të vazhdojmë më kështu. Çdo kush mund të shpifë, shantazojë çdo njeri të thjeshtë apo funksionar të lartë sic është ministri i Brendshëm dhe kryeministri”– tha ministri Xhafaj.
Xhafaj i quajti mashtrime akuzat e opozitës se familja e tij ka lidhje direkte apo indirekte në fushën e lojrave të fatit dhe këtë e tha se e deklaronte me përgjegjësi ligjore dhe politike.
Duke raportuar për besueshmërinë e Policisë së Shteti, Xhafaj deklaroi se sipas sondazheve, ky institucion është i vlerësuar si më i besueshmi në rajon.
Duke iu referuar vettingut në politikë Xhafaj deklaroi se ideja e Partisë Demokratike tingëllon shumë qesharake.
“Janë forcuar përpjekjet për ndalimin e shumë personave me rrezikshmëri. Shqipëria vijon të shkëmbej të dhëna me partnerët ndërkombëtar. Besimi i tyre tek Policia e Shtetit konsiderohet si institucioni më i suksesshëm në rajon. E pohoj me shumë krenari këtë sukses. Ka më pak vepra penale të regjistruara se një vit më parë. Retorika e sulmit ndaj policisë ka qëllim dashakeqëse.Në bazë të sondazheve të fundit, 78 për qind e qytetarëve besojnë se policia e shtetit është e besueshme. Partia Demokratike nxjerr kokën dhe hedh baltë. Këta persona shpifin se familjarët e mi janë të lidhur me lojërat e fatit, deklaroj me përgjegjësi ligjore dhe politike. Kjo është paaftësi për një opozitë për të luajtur rolin e një opozite dinamike.Të angazhohen seriozisht kompetencat, të hetohen mbi këto deklarime. Çdo kush mund të shpif si të dojë e për kë të dojë, e të shantazhojë ministrin apo kryeministrit e vendit. Kjo duhet të marrë fund.Vettingu në politikë është ide qesharake e Partisë Demokratike. Drejtësi dhe pastrimi i saj të bëhet nga themelimi i institucioneve ligjore”, tha ministri Fatmir Xhafaj.
