Ylli Rakipi thotë se është kërcenuar nga kryeministri Edi Rama, duke nënvizuar se nuk ndjehet i sigurtë fizikisht.
Gazetari shprehet në studion “”5 Pyetjet” nga Babaramo se do të kundërpërgjigjet po në të njëjtën formë, pasi siç thotë ai, “dy duart për një kokë janë”.
“Edi Rama ka një luftë personale me mua. Ai ka dalë publikisht duke më konsideruar si “Ylli Kadriu”, ai e ka personale po ta vini re.
Edhe unë, kolegët e mi dhe njerëzit që preken do ta kemi personale. Dy duart për një kokë janë.
Kam lindur në këtë vend shumë vite më parë dhe sigurisht dy duar janë për një kokë. Le të vazhdojë, punë e tij”, shprehet Ylli Rakipi.
Ndërkohë, Babaramo i kujton djegien e gazetës “Koha Jonë” e cila u dogj nga njerëzit e komanduar nga Sali Berisha.
“Atëherë nuk kishte shtet fare. Të gjitha bandat vinin flakën e vet. 1997 nuk mund të merret si shembull me Ramën se atëherë ishte tjetër situate.
Ty ta dogjën redaksinë dhe kompjuterin sepse në muajt e fundit të punës t’i e bëre fletushkë gazetën dhe e shpërndaje…
Të lutem dëgjo përgjigjen Babo. Përballë kishim Sali Berishën dhe ai e bëri”, nënvizon Rakipi.
