Sa vijnë e shtohen zërat dhe rrëfimet nëpër tavolina të ngushta, për një skemë të re korrupsioni, për shtyrjen e përballjes me Vetingun për disa gjyqtarë dhe prokurorë të caktuar, me qëllim për të shtuar të ardhurat me mbyllje apo gjykime të deformuar dosjesh.
Për disa gjyqtarë, procesi i verifikimit nga Komisioni i Vetingut ka nisur që nga viti 2019, dhe sot ende nuk ka një datë për të dalë para Komisionit të Vetingut për t’u njohur me rezultatet e hetimit.
Duke e ditur se nuk kanë asnjë mundësi konfirmimi në detyrë për shkak të pasurive të paligjshme dhe dallavereve që kanë bërë me çekiçin e drejtësisë, gjyqtarët në fjalë dyshohet se kanë paguar shuma të mëdha parash, për të shtyrë përballjen me Vetingun.
Për shembull, për Besnik Hoxhën, i njohur si gjyqtari i 21 Janarit, verifikimi ka nisur që në qershor 2020.
Po kalojnë gati 3 vite dhe ende nuk ka një datë për zhvillimin e seancës dëgjimore për Besnik Hoxhën, i cili vijon të marrë vendimr.
Si ka mundësi që KPK-së nuk i kanë mjaftuar 3 vite për verifikimin e Besnik Hoxhës?
A paguan Besnik Hoxha një tarifë mujore për të shtyrë daljen para Vetingut?
Në të njëjtën situatë ndodhen edhe gjyqtarët Avni Sejdi, Shpëtime Pitaku, Lazër Sallaku, Sami Ujkashi, Agron Zhukri etj., të pêrfolu për afera dhe fshehje pasurie, por që Vetingu i ka harruar prej vitesh.
Shpëtime Pitaku është kallëzuar nga ILDKPKI për pasuri të paligjshme në vlera të mëdha, përfshirë edhe 5 lokale, por arriti ta mbyllte dosjen.
Vetingu ka harruar edhe gjyqtarin Murat Lleshi, me vilë në oborrin e Prokurorisë. Për korrupsionin e Lleshit ka edhe një bejte: ‘O Murat, o Murat, bëj një gjyq dhe shto një kat’.
A do të nisë një hetim se çfarë fshihet pas kësaj zvarritje të pajustifikuar?
Pse për disa gjyqtarë dhe prokurorë verifikimi bëhet për 1 vit, ndërsa për disa të tjerë nuk mjaftojnë 3 vite?
